Макаров Григорий Алексеевич

Өйдɵбʏнньʏк

Макаров Григорий Алексеевич, 1917 с. тохсунньу ыйга Нам оройуонун Модут нэһилиэгэр орто бааһынай дьиэ кэргэнигэр төрөөбүтүм. 1931-1936с.с. Хатырык ситэтэ суох орто оскуолатыгар 6 кылааһы бүтэрбитим. Кэлин колхозтар кадрдарын бэлэмниир колхознай оскуола5а үөрэнэн, орто үөрэхтээх агроном буолбутум. 1936 с. күһүҥүттэн 1939 с. диэри  Модут нэһилиэгэр «Большевик» колхозка солбуйар председателинэн талыллан уонна үөрэҕэ суоҕу үөрэхтээһиҥҥэ үлэлээбит.

1939 сыл аҥаарыттан 1941 сыл аҥаарыгар диэри рев.комиссия председателинэн, 1941 с. аҥаарыттан 1942 сыл аҥаарыгар диэри налоговой агенынан, 1942 с. аҥаарыттан 1943 сылга диэри нэһилиэк Советын председателинэн үлэлээбит. 1967 сылга диэри, барыта 26 сыл устата, 1 Модут «Большевик», онтон Хатырыкка бөдөҥсүйбүт «М. Аммосов» аатынан, Хатыҥ-Арыы нэhилиэгэр бөдөҥсүйбүт «Карл Маркс» аатынан колхозтарга бэрэсидээтэлинэн, бэрэсидээтэли солбуйааччынан быыстала суох үлэлээбит. Онтон биир сыл ыалдьан эмкэ сылдьан, доруобуйабынан 2-с группалаах инбэлиит буолбут. 1968 сылтан 1983 с. диэри коммунальнай хонтуораҕа домоуправляющайынан уонна начальнигы солбуйааччынан үлэлээбит, онтон 1983 сылтан пенсияҕа олорор.

Колхозка үлэлиир кэмигэр үлэлиир колхуоһун районугар, республикаҕа бастыҥ үлэлээх колхуоһунан биллэрэ, сүөһү иитиитэ тупсарыллыбыта, сүөһүттэн үүтү ыаһын улааппыта. Оччотооҕуга туох да эбии аһылыга суох от аһылыгы дэлэччи аһатыынан, көрүүнү тупсарыынан ынаҕы эрдэ төрөтүүнэн, биир ынахтан 1000 кг үүт ыанара, боруода ынахтартан 2000-2500 кг үүккэ тиийэ ыанара, төрүөх ылыыта 80-85% тиийэ ситиһиллибитэ. Сылгы иитиитэ төрүөҕүн ылыы улааппыта.

Сир үлэтэ тупсарыллан биир гааттан 17-18 ц. бурдугу, сорох сирдэртэн, сорох сыл 32-45 ц. тиийэ ылар буолбуппут, онон дохуот колхозтарга биллэрдик улаатара ситиһиллибитэ. Тутуу үлэтэ колхозка күүскэ барбыта, олорор дьиэлэр, саҥа клуб, хонтуора, оскуола, детсад дьиэлэрэ тутуллубуттара. Бу үлэлээбит кэмин устатыгар райсовет депутатынан үс төгул, райком чилиэнинэн биэс төгүл, нэһилиэк Советын депутатынан талыллан үлэлээбит.

Колхозка үлэ — хамнас тупсан барыытынан сибээстээн 1955-1960 с.с. Саха АССР Верховнай Советын депутатынан, онно Президиум чилиэнинэн талыллан үлэлээбит. Уонна маны таhынан, үлэлээбит үлэлэрбэр үчүгэй үлэлэрин түмүгүнэн Саха АССР Верховнай Советын Президиумун 4 төгүл Бочуотунай грамоталарынан, Аҕа дойду улуу сэриитин кэмигэр 1941-1945 с.с. «За доблестный труд» мэтээлинэн, В.И. Ленин төрөөбүтэ 100 с. үбүлүөйнэй мэтээлинэн, Кыайыы 30, 40 с.с. үбүлүөйүнэй уонна үлэ ветерана мэтээллэринэн наҕараадаламмыт. Ону таhынан, райсовет, райком грамоталарынан, республика, оройуон элбэх аадырыс суруктарынан бэлиэтэммит.

 

Автор: М. Артем, ученик 6 «б» класса