Луковцева Февронья Егоровна

Луковцева Февронья Егоровна сэрии саҕаланыытыгар 12 саастааҕа. Сэрии кэминээҕи оҕо улахан киһини кытта тэҥҥэ үлэлиирэ. Сайынын от мунньуутугар сылдьаллара, кэбиһиигэ оҕус сиэтэллэрэ, от түстүүллэрэ, бугул түгэҕин харбыыллара. Оҕуһунан отчуттарга суорат, лэппиэскэ таһаллара. Бурдук быһыытыгар түүтэх баайаллара, соломонон быа бэлэмнииллэрэ. Бурдук үлэтин кэнниттэн бурдук куоластаан туттараллара. Күһүн сир паардааһыныгар түүннэри оҕус сиэтэллэрэ. Ити үлэ бүттэҕинэ аны мельницаҕа бурдук таттарыытыгар түүннэри оҕус хаамтараллара.

Ону тэҥэ ыанньыксыт ийэтигэр көмөлөһөрө. Кыһынын ыалларынан кууллаах бурдугу ыраастата биэрэллэрэ. О5олуун-уруулуун ону ыраастыыллара. Армияҕа анаан куобах тириитин имитэллэрэ, сап хатан үтүлүк, бэргэһэ, уттас тигэр этилэр. Сэрии бастакы сылларыгар кураан сыллар буолан, от, бурдук үүммэтэҕэ, аһыҥа буулаабыта. Оҕолор аһыҥаны утары охсуһар этилэр. Сэрии сылларыгар элбэх киһи ыалдьан, хоргуйан өлбүтэ. Кииһилэни, үөрэ отун үрүц аска буккуйаллара. Кыра бурдук кутан бутугас, хааһы оҥостоллоро. Сайынын араас оту хатаран хаһааналлара. Ону иһэн доруобуйабыт этэҥҥэ буолбута буолуо диирэ.

Хос эбээм сэрии огдообото, тыыл, үлэ ветерана. Детсад сэбиэдиссэйинэн, кулууп директорынан үлэлээн, дьон махталын, хайҕабылын ылбыта. Нэһилиэк Сэбиэтин депутата, Дьахтар комитетын, кырдьаҕастар Сэбиэттэрин бэрэссэдээтэлэ, быыбар комиссиятын бэрэссэдээтэлэ этэ.

Сүрдээх элбэх наҕараадалардаах. «Почетный старейшина Республики Саха (Якутия)» знак хаһаайката.

Автор: МОБУ ЯГНГ им. А.Г. и Н.К. Чиряевых