Лебедева Елена Романовна.
(1906 – 1980)


Үлэ, тыыл бэтэрээнэ Лебедева Елена Романовна.

(1906 – 1980)

Мин эбээм Лебедева Елена Романовна 1906 сыллаахха Сэккээччи нэһилиэгэр төрөөбүтэ. Эдэр эрдэҕиттэн кыһалҕалаах олоххо улааппыт буолан наһаа сэмэй, элбэх саҥата суох, ыраас туттунуулаах, бүгүрү үлэһит буолан дьоҥҥо сөбүлэтэрэ. Сэрии кэмигэр Молотов, Ленин аатынан холкуостарга ыанньыксыттаабыта, от оттооһунугар, мас бэлэмигэр эр дьону кытта тэҥҥэ сылдьарбыт диирэ. Түргэн, туруу үлэһит этэ. Мин аҕам кини иккис уола этэ. Сэрии саҕаланарыгар 7 саастаах оҕо ийэтин кытта тэҥҥэ ол кэмнээҕи ыар олоҕу тулуйан, улахан дьону кытта хаалсыбакка үлэлээн ааспыта. Эбээм кэргэнэ Лебедев Роман Степановичтыын 4 оҕону улаатыннарбыттара. Кэлин биһиэхэ ааспыт олоҕун кэпсииригэр наар хараҕа толору уулаах буолара. Килиэби наьаа харыстыыра, кэмчилээн сиирэ. Аска, таҥаска барытыгар харысхаллаахтык сыһыаннаһарга сүбэлиирэ, такайара. Үлэһит дьону өрүү өрө тутара, сыаналыыра. Бастакы кэргэнэ Ойуунускай бииргэ төрөөбүт быраата Слепцов Василий Васильевич диэн мин эһэм. Эрдэ кэргэнин сүтэрэн, репрессия ыар тыынын этинэн-хаанынан барытын билбит буолан эбэм ол кэмнэри кэпсиириттэн кэлиҥҥэ диэри сэрэхэчийэр, куттанар этэ. Кини 74 сааһыгар 1980 сыллаахха суох буолбута. Элбэх сиэннэрэ, хос сиэннэрэ кинилэр олохторун салҕыыллар.

Наҕараадата: “1941-1945 сс. Аҕа дойду Улуу сэриитигэр килбиэннээх улэтин иьин» мэтээл.

Суруйда сиэнэ А. Слепцова Анна Васильевн

Дьоккуускай, 2025 сыл