Кривошапкина Анна Васильевна (24.07.1926 – 29.05.2016 гг.)

 

Орджоникидзевскай оройуонугар  I Дьөппөн нэһилиэгэр 1926 от ыйын 24 күнүгэр төрөөбүтэ. Ийэлээх аҕата эрдэ өлөннөр, аҕаларын быраатыгар Гаврил Федорович Борисов дьиэ кэргэнигэр иитиллэн улааппыттара.Эрдэ тулаайах хаалан, сэрии сылларыгар  6 кылаастан үөрэҕин тохтотон,  колхоз үлэһитэ буолбута. Улахан дьону кытта тэҥҥэ  сүөһү көрүүтүгэр, оҕуруот, бурдук-от, хомууругар, кыһынын  ферма учуотчугунан  үлэлээбитэ.

Илиҥҥи  фроҥҥа сэриилэһэн  “Японияны  кыайыы иһин” мэтээллээх сэрииттэн эргиллибит Таатта уолугар Кривошапкин Иван Сергеевичка кэргэн тахсыбыта. Аҕыйах сыл Дьөппөҥҥө олорон баран, 2  оҕолоох ыал, 1953 сыллаахха Тааттаҕа көһөн кэлбиттэрэ.

Анна Васильевна Орто- Амма нэһилиэгэр эргиэн холбоһугар атыыһытынан,онтон кулуубка техүлэһитинэн үлэлээбитэ. Анна Васильевна, хойукка дылы художественнай самодеятельноска активнайдык кыттан, ырыа –тойук аргыстаах сцена бэтэрээнэ этэ.Эдэр эрдэҕиттэн спортивнай  күрэхтэргэ ситиһиилээхтик кыттан, олоххо активнай позициялааҕынан биллэрэ.

Кэргэнинээн 51  сыл  өйөһөн – өйдөһөн олорбуттара,  иллээх дьиэ кэргэн көмүс ньээкэ биһигэр 10 оҕону төрөтөн, олох киэҥ аартыгар үктэннэрэн,үөрэттэрэн,үлэһит дьон оҥорбуттара. 27  cиэннээх, 30-ча хос сиэннээх.1997 сыллаахха бииргэ олорбуттара 50 сылыгар « Кыһыл көмүс» сыбаайбаларын бэлиэтээбиттэрэ.

Наҕараадалара:

  • Тыыл бэтэрээнэ, « Аҕа дойду сэриитин сылларыгар килбиэннээх үлэтин иһин » мэтээлинэн наҕараадаламмыта.
  • Герой  Ийэ, Ийэҕэ Албан аат  I-II-III-с степеннээх орденнар кавалердара.
  • «За вклад в развитие семейной политики» знак хаһаайката.
  • Таатта улууһун Орто –Амма нэһилиэгин Бочуоттаах олохтооҕо.
  • Потребкооперация коммунистическай үлэтин ударнига.
  • Өрөспүүбүлүкэ, улуус бочуоттаах бэлиэлэринэн ,бочуотунай  грамоталарынан  наҕараадаламмыта

 

 

Автор: В.Кривошапкин, ученик 8 класса.