Ковлеков Семен Петрович 

 

Кинилэр тыылга Кыайыыны уһансыбыттара

Хос хос эбэм Бурцева Мария Гаврильевна уонна хос хос эһэм Ковлеков Семен Петрович 1941-45 сс. А5а дойду сэриитин ыар сылларыгар  «Кыым» хаһыакка үлэлээбиттэрэ.

Хос хос эбэм Бурцева Мария Гаврильевна 1910 сыллаахха тохсунньу 8 күнүгэр Уус-Алдан улууһун Хоро нэһилиэгэр күн сирин көрбүтэ. Мүрүгэ 7 кылаастаах оскуоланы бүтэрбит кыыһы Боро5онноо5у потребобщество Суоттутаа5ы отделениетын сэбиэдиссэйинэн анаабыттар. Эдэр үлэһит 1929с. советскай партийнай оскуола5а үөрэнэ киирбит.

1932с. «Кыым» хаһыат советскай эргиэн отделын сэбиэдиссэйинэн анаммыт. 1935-1938сс. «Правда» аатынан Бүтүн Союзтаа5ы журналистика коммунистическай институтугар ситиһиилээхтик үөрэнэн, саха дьахталларыттан аан бастакынан журналист идэтигэр уһуйуллубут. Дойду тэбэр сүрэ5эр оло5ун до5орунаан Семен Петрович Ковлековтуун ыал буолбуттар. Институтка үөрэ5ин түмүктээн, журналист Мария Бурцева «Кыым» хаһыакка төннүбүт. Кэлин опыттаах үлэһити партия обкома кинигэ издательствотыгар редакторынан анаабыт.

Хос хос эһэм Ковлеков Семен Петрович 1906 сыллаахха бала5ан ыйын 14 күнүгэр Томпо улууһун Мэнэ-Алдан нэһилиэгэр күн сирин көрбүтэ. 1923с. Таатта5а Уолба сэттэ кылаастаах оскуолатын, 1926с. Дьокускайдаа5ы советскай-партийнай оскуоланы бүтэрбит. 1929-1930сс. ыпсыыларыгар Ленинградка үп үлэһиттэрин то5ус ыйдаах куурустарыгар үөрэммит. 1931с. «Кыым» хаһыакка партийнай отделга сэбиэдиссэйдээбит.

1935-1939сс. Москва5а хаһыаччыттар куурустарын уонна «Правда» аатынан суруналыыстары бэлэмниир Бүтүн союзтаа5ы институкка (ВКИЖ) үөрэммит. Ол сылдьан Москва5а РСФСР главлитын редакциятыгар саха тылынан тахсар кинигэлэргэ полит-редакторынан үлэлээбит.

1939-1946сс. «Кыым» хаһыат эппиэттиир редактора. Сэрии са5анаа5ы бииргэ үлэлээбиттэр ахтыылара: «А5а дойду алдьархайдаах сэриитин са5ана түүннэри-күннэри Совмин инфорбюро иһитиннэриилэрин норуокка тиэрдии-тар5атыы, уоттаах пропаганда, модун ынырыылар, «Кыым» балаһаларыттан кынаттанан көтөн, тыылга олорооччу, үлэлээччи санаата көтө5үллэрэ, кыайыы кыыма са5ыллара, инникигэ кыайыыга күүтээх эрэл күөдьүйэрэ.»

«Кыымна» уһуннук үлэлээбит, сэрии ыар сылларыгар редактордаабыт Семен Петрович Ковлеков Мария Гаврильевналыын кэргэннии этилэр. Бииргэ улэлии сылдьан ону умнарбыт. Үлэ5э кинилэр кэргэнниилэрэ букатын кыра да мэһэйэ суо5а, иккиэн ытыктанар икки аны ааттаах салайааччылар, үтүө до5оттор. Кинилэр билинни хаһыаттар мунутуу сайдалларыгар, көлүөнэ журналистар үлэлэригэр улахан олугу охсон, суол арыйбыт сүүнэ үтүөлээхтэр…»

Хос хос эбэм уонна хос хос эһэм иккиэн «За доблестный труд в Великой Отечественной войне 1941-1945 гг.» мэтээлинэн на5араадаламмыттар.

 

 

 

Автор: М.Комиссарова, 3 «А» кылаас