Корякин  Петр  Васильевич (28.05.1928-13.05.2007)

1928 сыл  ыам ыйын  28 күнүгэр Ханалас Маалтаанытыгар  Төбүрүөн  диэн  кыра  алааска  төрөөбүтэ.

Дьонноро  боростуой  колхоз  дьоно этилэр.

Холболоох  оскуолатыгар  4-5 сыл  үөрэммитэ.

Сэрии  саҕаланарыгар   кыра  митинг  кэннэ  мобилизацияланан  барар  дьону  дойдуга (Покровскайга, 70 км сир)    атаарарга  кыттыһан,  обургу  уолаттар буолан  колхоз  атын  төннөрөргө  сылдьыспыттар. Бииргэ торообут убайа Корякин Николай Васильевич (1923 с) уонна тастын убайа Корякин Николай Иннокентьевич (1924 с) сэриигэ барбыттара.

1942 сыллаахха  Өктөмҥө  МТС (машино-тракторная  станция) арыллыбытыгар,    онно  үөрэнэн ,  сэрии  бүтүөр  диэри  от-мас,  бурдук  тиэйэн,  бурдук  ыһар бааһыналарын  хорутан    трактористаабыта.

1950-1953  сылларга   аармыйаҕа  сулууспалаан  кэлэн  Покровскай ОПХ  тракториһынан,  суоппарынан  үлэлээн  40 тахса  сыл  стажтаах  пенсияҕа  тахсыбыта.

«Ветеран Труда,»   элбэх  юбилейнай  мэтээллэринэн  наҕараадаламмыта.  Уһулуччу  бэлиэтиирэ   Сталин,  Жуков  төбөлөөх  мэтээллэри,  биһиги  бу дьон  салайан  олорбут  кэмнэригэр   түүнү-күнүһү  аахсыбакка  үлэлээбиппит  диэн.

Эhэм ахтыыта:

«Ыам  ыйын  8 күнүгэр  сарсыарда  эрдэ  Үрүҥ Баска (Өктөм  үөһээ  диэки)    түүннэри  бурдук  ыһар  бааһынаны  хорутан  баран  холкуос канцеляриятыгар  кэллим,  киһи-сүөһү,  дьон-сэргэ  мустан  кыһыл  былаах,  лозунг,  музыка  тыаһыыр.  Кыра  тракторбын  тэйиччи  туруоран,  умулларан  хааман    истэхпинэ  икки  улахан  кыргыттар  кэлэн  кууһа  түстүлэр:  «Бүөтүр,  сэрии  бүппүт,  убайдарыҥ  кэлэр  буолтар!»-  диэн  баран  сырса  турдулар.

Иһирдьэ  канцелярияҕа  киирэн  биригэдьииргэ  үлэбин  отчуоттаан,  дьону  кытта  аҕыйах  тылы  кэпсэтэн  баран  дьонум  ампаардарыгар  киирэн  кытаанахтык утуйан  хааллым,  арай  били  кыргыттарым  кэлэн  атахпыттан  соһон  туруора  сатаатылар:  «Бардыбыт,  ыччат  мустан  оонньуубут,  үҥкүлүүбүт»  дииллэр,  мин  олоро  түһэн  баран  хос  утуйан  хааллым,  оччолорго  мин  17 саастаахпын,  1945 сыл,  сэрии  бүтүүтэ.

Убайдарым  хойутуу  утуу-субуу  кэлбиттэрэ.»

Эhэм тойуктуурун собулуурэ, ыhыахтарга , бырааhынньыктарга тойуктааччы. Телевизорга Саарын ыллыырын собулээн истэр этэ.

Биhиги эhээбитинэн киэн туттабыт уонна махтанабыт.

 

А. Ефимов. 9 кылаас, МОБУ «Саха гимназия»