Константинов Николай Николаевич 1935г.р.

Константинов Николай Николаевич 1935 сыллаахха 2 Тыыллыма нэһилиэгин Хаатылыматыгар төрөөбүтэ. Оҕо сылдьан тулаайах хаалбыта.Сэрии сылларыгар оҕо сааһа ааспыта.Аҕата Константинов Николай Иванович 1942 сыллаахха продавеһынан үлэлии сылдьан армияҕа ыҥырыллыбыта. Николай 8 кылааска үөрэнэ сылдьан ыалдьан оскуолаттан уурайан эмтэнэ-эмтэнэ колхозка араас үлэҕэ улэлээбитэ. 1963 сыллаахха санитар үөрэҕэр үөрэнэн 1974 сыллаахха диэри Ленин аатынан совхоз Ороссолуода отделениетыгар ветеринардаабыта. Онтон осеменатор курсугар үөрэнэн 1975 сыллаахтан 1994 сылга диэри осеменаторынан үлэлээбитэ. 1980 сыллаахха Мэҥэ Хаҥалас оройуонун чемпион осеменатора буолан “Запорожец” массыына фондатынан наҕараадаламмыта. 1985 сыллаахха Ленин аатынан совхоз чемпион осеменатора. Социалистическай куоталаһыыларга 1,2 миэстэлэри ылан элбэх грамоталарынан , туристическай путевканан , сыаналаах бэлэхтэринэн наҕараадаламмыта.

Николай Николаевич общественнай үлэҕэ активнайдык кыттара. Культура уонна спорт эстафетатыгар саахымакка нэһилиэк чиэһин элбэхтэ көмүскээбитэ. Уран тарбахтаах мас ууһа буолан , быыстапкаларга кыттан хаста да лауреат аатын ылбыта. 2003 сыллаахха улуус уран тарбахтаахтарын быыстапкатыгар “Дархан уус” аатын ылбыта. Аҕабыт бэйэтэ ис-иһиттэн уһанарын , айылҕаҕа сылдьан бултуурун, балыктыырын наһаа сөбүлүүрэ. Техникаҕа сүрдээх мындыр этэ.
Кэргэнинээн Мария Петровналыын 40 сыл эйэ-дэмнээхтик олорон 4 оҕону төрөтөн , иитэн , үрдүк үөрэхтээн , ыал оҥортообуттара. Үтүө холобурунан уолаттара бары маһынан уһаналлар, техникаҕа сыстаҕастар.
Николай Николаевич сытыары сымнаҕас майгылаах, барыга бары дьоҕурдаах, дьону кытта уопсай тыл булар, дьон-сэргэ ытыктабылынан туһанар этэ.

Наҕараадалара:
Медаль “55 лет Победы”,
Медаль “Сталина”,
Медаль “Маршал Жуков”,
Медаль “За доблестный труд”.