Константинов Григорий Никитич

Хас биирдии дьиэ кэргэни уоттаах Ага дойду сэрии ыар тыына таарыйбыта. Мин чугас дьонум эйэлээх олох, кыайыы туьугар кыьанан,  бэйэлэрин олохторун биэрэн туран улахан улэни-соругу бу ыарахан кэмнэ онорбуттарын туьунан кэпсиэм.

Константинов Григорий Никитич- хос эьээм буолар. Кини 1925 с. Сунтаар оройуонугар, Куокуну нэһилиэгэр Федоров Никита Константинович (1866-1942сс.) дьиэ кэргэнигэр төрөөбүт. Барыта 9 оҕо төрөөбүтүттэн 3 буолан хаалбыттар.

  • Убайа Федоров Захар Никитич Аҕа дойду сэриитигэр баран бэс ыйын (июнь) 12 кунугэр 1943с. Орловскай уобалас Рентево сэлиэнньэ таьыгар сырдык тыына быстыбыт.
  • Эдьиийэ Павлова Мария Никитична колхозка бурдук быьыытыгар, фермага улэлээбитэ. Сэрии кэмигэр « килбиэннээх улэтин иьин» мэдээл ылбыт. Кини Бордонно олорон 2005с олохтон барбыта.

Дьоно 1937 с. уруккута “П.А.Ойуунускай” аатынан колхозка чилиэнинэн киирбиттэр. Бу сылтан Хос эьээм дьонун кытта сааскы паардааһыҥҥа, хомуур үлэтигэр үлэлээбит, быыһыгар туораахтаах культураны буортулааччалары утары активнайдык үлэлээн 2 төгул хайҕалы, 1 төгул 100 солк. бириэмийэ ылбыт. Убайа Захар колхоз ударник үлэһитэ этэ.

1942с. муус устар 22 күнүгэр ыарыһах аҕата сирдээҕи олохтон барбыт. Онон эдьиийигэр Быйагыга “Чкалов” колхозка иждивенец быһыытынан көспүт. « Онно счетоводство улэтин толоро-толоро хара улэни производствога илиибинэн улэлээбитим» — диэн суруйбут.

Хос эьээм ологун кэрчиктэрин суругар иэдээннээх сэрии туьунан агыйах тылы эппитэ: « 1945 с саас колхоз бригадирын улэтин толорор ким да суох буолбутугар мин ол улэтин толорбутум. Сайын хомуур улэтигэр эмиэ бригадирдаабытым. Ити сыл Чкалов колхоз нэьилиэк урдунэн от хомуурун уонна сааскы ыьыы былаанын нэьилиэк бары колхозтарыттан бастыкы миэстэгэ тахсыбыта. Ол иьин чкалов колхоз кыьыл знамятынан нагараадаламмыта.»

Сэрии бириэмэтигэр «килбиэннээх үлэтин иһин” медалынан наҕараадаламмыта.

Кэргэнэ Константинова Анна Никифоровналыын 6 оҕолоохтор, 22 сиэн, 53 хос сиэн олохторун салҕыыллар.

1973 с 48 сааьыгар тыына быстыбыт

 

Константинов Никифор Григорьевич – эбээм эьээтин туьунан кыыьа Константинова Елизавета Никифоровна ахтыыттан быьа тардыы:

«Сэрии бириэмэтигэр колхозка үчүгэй үлэтин иһин мэдээлинэн наҕараадаламмыт. Биригэдьиир быһыытынан, үлэһиттэрин таабылларын толорон, үлэ күнүн таһаарара. Күннээҕи үлэлэрин бачча хонукка бүтэрэҕин диэн үллэрэрэ, ходуһаны хас күнүнэн бүтэрэри барытын былаанныыра. Ыраах хонор үлэлээччилэргэ ыһыктарын илдьэн биэрэрэ. Улэлээбит сирдэрин кэмниир малынан мээрэйдээн туттарара.

Сэрии сылларыгар аармыйаҕа барааччылар кэргэттэрин «Көрө-харайа сылдьаар,»-диэн этэн бараллара. Ол сиэринэн кинилэр кэргэттэрин субу-субу баран кереттуурэ. Кимиэхэ мас хайытан, субэлээн-амалаан, кыһалҕаларын үллэстэн кэлэрэ. Ыраах олорон хаалбыт дьону бөһүөлэккэ чугаһатан көһөртүүрэ. «Армияҕа барар киһи — өлө барар буолбатах. Сири-дойдуну көрөн, сэриилэһэн бүтэн, дойдуларыгар төннөн кэлиэхтэрэ,» — диирэ. 1965 сылга диэри колхозка биригэдьииринэн уонна араас үлэҕэ үлэлээн баран пенсияҕа тахсыбыта. Төһө да пенсияҕа таҕыстар сайынын сүөһү аһылыгын бэлэмнээһиҥҥэ күүһэ кыайарынан көмөлөһөрө.»

Аччыктааһын кэмигэр дьон тооруччаны хомуйан хааһылаан, килиэптээн сииллэрэ. Соломону сахсыйан бурдук кыырпаҕын көрдүүллэрэ. Ити курдук хос эьээм дьон кыһалҕатын тэҥҥэ үллэстиһэн, сэрии ыар, аччык сылларын туораабыта.

Ким эрэ илиитигэр сэрии сэбин тутан, куустээх эр санаалаах дойдубун, чугас дьоннорбун быыьаабыт киьи диэн фронна барбыта, оттон ким эрэ тылтан илии атах кууьэ буолан суунэ улэьиттээн бары дьоруой буолаллар. Ыарахан сэрии кэмнээги дьон дьылгалара биьиги дойдубутут остуоруйата. Туох да умнуллубат, ким да умнуллубат.