Кононов Петр Андреевич 1909 года рождения

Кононов Петр Андреевич — Дыр Бүөтүр, мин хос эһээм, 1909 сыллаахха Кировскай нэһилиэгэр, Горнай улууһугар төрөөбүт. 1941 сыллаахха сэриигэ «Ыччат күүһэ» диэн колхозтан барбыта. Забайкальскай фронт чаастарыгар сулууспалыы сылдьан доруобуйатын туругунан 1945 сыллаахха босхолонон дойдутугар эргиллибитэ. Колхозка, совхозка улэлээбитэ.

1982 с. тохсунньу 21 күнүгэр ыалдьан өлбүтэ. Сааһын тухары производствовоҕа үлэлээбитэ.

1979 сыллаахха, 70 сааһыгар, бэйэтин күүһүн иһинэн 20 бороону көрөн кыстатарга отделение салаатыгар баҕатын биллэрбит. Онуоха отделение саамай оккураҥ, ортотунан ҕө киилэ ыйааһыннаах ньирэйдэри туттарбыт. Урукку өттүгэр опвттаах Петр Андреевич ньирэйдэри 110-нуу кг төлөһүтэргэ эбэһээтилистибэ ылыммыт. Кини режими кытаанахтык тутуһан, эбии аһылыгы бэйэтэ бэлэмнээн аһатыыны тэрийбит. Борооннор күннэтэ эбиллэн, түүлүүн-өҥнүүн тупсан иһэллэрэ. Саамай мөлтөх оккураҥ борооно 150 киилэни, улахана 300 киилэҕэ диэри үктүүр буолаллар эбит.

Сэрииттэн илдьэ кэлбит ньуоската билигин эбээбэр, кини кыыһыгар баар. Саллааттар бэйэлэрэ оцостоллор үһү, алюминийы уулларан, формалаан, уонна ити хайаҕаһынан быа уган бараннар таҥастарыгар ыйаан кэбиһэллэр эбит, оччого сүппэт.

«Килбиэннээх үлэтин иһин В.И. Ленин төрөөбүтэ 100 сыла туолуутун бэлиэтигэр» диэн кэргэнин Капитонова Анна Ивановнаны кытары на5араадаламмыттара.

 

Автор: Хос сиэнэ Кириллова А, 6в кылаас