Кондратьев Семен Семенович

Кондратьев Семен Семенович Төрөөбүт сыла: 1910 сс.

Төрөөбүт сирэ: Чурапчы улууһун Хайахсыт нэһилиэгэ

Үөрэммит сирэ: Чурапчы улууһун Хайахсыт нэһилиэгэр 2 кылаас үөрэммит.

Ийэтин курдук, төрдүн  утумнаан дьэҥкэччи көрбүт күөх харахтаах ыраас хааннаах орто уҥуохтаах Сэмэн  комсомолга 1930с. киирбит, нэhилиэк бастакы комсомолеhа этэ. Улахан дьон оскуолаларыгар үөрэнэн, сахалыы бэртээхэй суруксут, төбөтүгэр суоттуу охсорунан дьону сөхтөрөр ахсаанньыт.

Үлэлээбит кэмэ: 1931 Хадаар сельпота бастаан тэриллиитигэр председателинэн талыллыбыта. Кэнники Буденнай аатынан холкуоска суотчутунан, кылгас кэмҥэ председателинэн үлэлээбитэ, 1941 сылга диэри сэбиэттээн эмиэ сылдьыбыта.

Элэккэй, үлэни-хамнаhы даҕаны, көрү-нары даҕаны көҕүлээн үөрэ-көтө сылдьар киhи этэ. 1935 с. Мартьянова Елена Николаевна диэн 18 саастаах кыыhы кэргэн ылбыта . Онтон 1937 с. Роман, 1938 с Петр, 1940 с. Елена диэн о5олор төрөөбүттэрэ. 1941 с сэлликтэн кэргэнэ, онтон кыыhа өлбүттэрэ. Сэриигэ быраата Алексейы кытта бииргэ барбыта. Алексей эдьиийигэр: «Убайым 1933 с.  атырдьах ыйын 19 күнүгэр илиитигэр-атаҕар снаряд эстиитигэр арааньы буолан госпитальга барда» диэн суруйбута. Кулун тутар 9 күнүгэр1944 с. Новгородскай уобалас Старорусскай оройуонун Шевство дэриэбинэтин босхолуур иhин кыргыhыыга өлбүтэ.

Наҕараадалара: Кини сэриигэ хорсун быhыытын иhин ордеҥҥа түhэриллибитин туhунан биллэрбитин ирдэһиигэ маннык харданы ылбыппыт: «Кадр кылаабынай управлениетын учуоттуур дааннайдарыгар Кондратьев С.С. 245 с.д.901 с.п. рядовой стрелогунан сылдьан 1943 с. алтынньы 2 күнүнээҕи 0811 №-дээх бирикээhинэн «Хорсунун иhин» медалынан наҕараадаламмыта баар.  Ст.инструктор Худрин. 1966 с. олунньу 28 күнэ.»

Суруйда: Х.П.Тимофеев, 4г кылааһын үөрэнээччитэ