Кондакова Мария Ксенофонтовна (1925 г.р.)

 

Кондакова Мария Ксенофонтовна- үлэ, тыыл уонна сэрии бэтэрээнэ, Герой ийэ, Норуот маастара.

Биһиги хос эбэбит, Мария Ксенофонтовна Кондакова Дьөккөн нэһилиэгэр 1925 сыллаахха алтынььы 12 күнүгэр Баҕадьа «Ат собо» диэн күөлүгэр төрөөбүтэ.

Ийэтэ Ксенофонтова Прасковья Николаевна, аҕата Ксенофонтов Ксенофонт Васильевич. Бииргэ төрөөбүттэр иккиэлэр, балта Акулина , киниттэн 4 сыл балыс. Былыр бэйэтин кыанна да, дьиэ ис-тас үлэтигэр илии- атах буолара, ол курдук кыра Маайыкка эрдэттэн «туһа киһитэ» дэтэр буолбута, Оскуолаҕа 1936 с киирбитэ. Түөрт кылааһы бүтэрбитэ.

Сэрии саҕаламмытыгар аҕалара, убайдара Аҕа дойду көмүскэлигэр барбыттара. Саастаах өттүлэрэ үлэҕэ ыҥырыллыбыттара. Нэһилэккэ кырдьаҕастар, дьахталлар, оҕолор хаалбыттара.

Бүппэт ыарахан үлэ саҕаламмыта. Маайыкка Булгунньахтаахха «Киров» холкуоска киирэн «Бастыҥ холкуостаах» ааты ылбыта. Хас саас аайы бурдук ыһаллара , күрүө туталлара. Онтон устунан от үлэтэ саҕаланара.

Маайыкка 1943 сыл сайын от мунньуутугар былаанын 200% аһара толорон «Колхоз суола» хаһыат Бочуотун дуоскатыгар тахсыбыта. Оҕуруот аһын үүннэрэргэ кини биригээдэтэ үрдүк көрдөрүүлэри ситиһэн элбэхтик хайҕаммыта.

Сэрии сылларыгар 1943 с Кондаков Семен Алексеевичка кэргэн тахсыбыта. Семен Алексеевич Советскай Союз геройа Кондаков Николай Алексеевич бииргэ төрөөбүт убайа. Саҥа ыал буолаат тулаайах оҕону иитэ ылбыттара, кэлин бэйэлэрэ 10 оҕоҕо күн сирин көрдөрбүттэрэ.

Мария Ксенофонтовна элбэх оҕону төрөтөн , иитэн улаатыннарбытын иһин » Ийэ мэтээлэ» уонна «Ийэ албан аата» мэтээллэринэн наҕараадаламмыттара, 1965 с СССР Үрдүкү Сэбиэтин Президиумун Уурааҕынан киниэхэ «Герой ийэ» бочуоттаах аата иҥэриллибитэ.

Мария Ксенофонтовна 1960 с төгүрүк сууккаҕа үлэлиир режимнээх дьааһылаҕа үлэлии киирбитэ. Онтон уонча сыл үлэлээн баран 1968 с пенсияҕа тахсыар диэри бэкээринэҕэ үлэлээн, дьон -сэргэ махталын ылбыта.

Мария Ксенофонтовна пенсияҕа тахсан баран,күннэҕи дьиэтин түбүгүнэн эрэ буолбакка, нэһилиэк, улуус общественнай үлэлэригэр көхтөөхтүк кыттара.
1996 с «Норуот маастара» буолбута.

Хос Эбээбит уһун сырдык олоҕуттан атырдьах ыйын 21 күнүгэр 2022 сыллаахха күн сириттэн туораабыта.

 

 

Авторы: А.Рязанский, А.Рязанская, ученики 5 и 2 класса.