Тыыл уонна үлэ бэтэрээнэ.

Кондаков Иннокентий Яковлевич (1905 г.р.)

Төрөөбүт сыла – 1905с., Бүлүүттэн төруттээх Өймөкөөн улууһун Уус Ньара, Өймөкөөн олохтооҕо.

Мэтээллэрэ:

1.“Аҕа дойду сэриитигэр 1941—1945 сс. килбиэннээх улэтин иһин” (За доблестный труд в годы Великой Отечественной войны);
2. «Улэ бэтэрээнэ” (Медаль «Ветеран труда»);
3. «Кыайыы 30 сыла» ( 30- летие Победы над фашисткой Германией).

Уоттаах Аҕа дойду сэриитин кэмигэр Кондаков И.Я.  «Кыһыл сектор» колхозка үлэлээбитэ. Фронтан ыраах да олордоллор, дьон байыаннай бириэмэ кытаанах сокуонугар бас бэринэллэрэ: байыаннай нолуок төлүүллэрэ, арыы уулларан туттараллара. Ону таһынан сылаас таҥас: бэргэһэ, үтүлүк, кээнчэ о.д.а. тигэн биэрэллэрэ. Кини сарсыарда хараҥаттан киэһэ харҥаҕа диэри булду сонордоһон хара тыаны батара, тоҥуу хаары оймуура. Бэргэн ытааччы, сыыдам сырыылаах, тулуурдаах булчут этэ. Стахановец булчуттар ааттарыгар киирэрэ. Бултаабытын устатыгар былаанын 110-120% аһара толороро. Колхоз активнай производственнига. Ити иһин колхоз правлениятын 3 төгул махталын ылбыта.

Аҕа дойду сэриитин кэмигэр байыаннай аэродромнар  Эмиэрикэ боевой сөмөлүөттэрин түһэрэр пууннара буолаллара. 1942 сыл алтынньы 7 күнүгэр “Аляска-Сибиир (АЛСИБ)”  диэн кистэлэҥ бырайыак тутуллан саҕаламмыта. Аляска-Сибиир салгын суола Аҕа дойду Улуу сэриитин кэмигэр Эмиэрикэ байыаннай сөмөлүөттэрэ Аляска, Чукотка уонна Сибиир нөҥүө ааһалларын хааччыйбыта. Киренскэй куоракка аэродром тутуутун саҕалаабыттара.

Иннокентий Яковлевич сэрии бүтүүтэ үлэ фронугар мобилизацияланан 1945-1946 cc. Киренскай куоракка тиийэн байыаннай аэродром тутуутугар улэлээбитэ. Онтон хайҕал суруктаах эргиллибитэ.

 

Автор: Н.Винокурова, ученица 4 класса.