Колмогоров Иван Григорьевич

 Эhээбит Иван Григорьевич Колмогоров олунньу 20 күнүгэр 1927 сыллаахха Нам оройуонун Салбан нэhилиэгэр, булдунан дьарыктанар ыалга төрөөбүт. Улуу Сыhыы илин баhыгар олорбуттара. Аҕата Киргиэлэй сылгы баайдаах буолар этэ диэн кэпсииллэрэ. Сылгы киэнэ үтүөтэ бу ыалга баара, ийэтэ Мария Михайловна кыайыылаах-хотуулаах улэhит бэрдэ этэ, холкуоска ыанньыксытынан үлэлээбитэ.

Эhээбит Иван Григорьевич түөрт кылаас уерэхтээҕэ, 18 сааhын туолан баран аармыйаҕа «42780-Б» байыаннай чааска сулууспаҕа ананар.Сулууспатын кэмигэр бэйэтин үчүгэй өттүттэн көрдөрөн, хамандыырыттан маннык сурук кэлэр: «Служебная характеристика на гвардии ефрейтора Колмогорова Ивана Григорьевича, 1927 г.р. Уроженец Якутской АССР Намского района. Национальность якут. Образование 4 класса, б/п. В Советской Армии с 1945года. За время пребывания на военной службе в в/ч 42780-Б показал себя дисциплинированным исполнительным солдатом, честно и добросовестно относящимся к исполнению служебных обязанностей, к сбережению боевой техники и государственного имущества. Относится добросовестно в обращении со старшими, вежлив, правдив. На замечание старших начальников реагирует, быстро исправляет замечания и недостатки. Морально устойчив. Активно участвует в проводимых мероприятиях. Пользуется авторитетом среди личного состава подразделения. Разбирается в политических вопросах. Делу партии Ленина, Сталина предан. Командир войсковой части 42780-Б гварлии Майор Пузиков».

Эhэбит эр киhи быhыытынан тэтиэнэх этэ. Сорох ардыгар үөрэр-көтөр түгэнигэр күүһүргүүр идэлээҕэ. Ол гынан баран үчүгэй, сымнаҕас майгылааҕа. Сайын илиинэн от охсуутугар биир гектар сири тулуппат , хотуурун суола киэҥ, ыраас буолара. Эбээбит Корнилова Юлия Матвеевна нэhилиэк почтатыгар уhуннук үлэлээбитэ. Кинилэр 9 оҕону төрөтөн, иитэн-аhатан, үөрэттэрэн, атахтарыгар туруорбуттара.

Эhэбит Иван Григорьевич үлэhит үтүөтүнэн, туппутун ыhыктыбатынан биллэрэ. Удьуор сылгыhыт. Кини бастаан тутууга булуотунньугунан үлэлээбитэ, сытыы сүгэлээҕин харыстаан уура сылдьара. Кэлиҥҥи кэмнэргэ «Нам» совхозка сылгыhыттаабыта. Сылгы сигилитин учугэйдик билэр этэ, ханан ыырданан сылдьалларын эндэппэккэ билэрэ. Бырдьакы учаастагар оттуур звенону салайбыта. Пенсияҕа тахсан баран, күһүнүн Кээнчэ үрэҕэр уонна Дьабарааскылаах чугаhыгар үүтээн туттубута. Булт тохтуур сирдээҕэ. Кэлин Атыыhыт Өргөлөөҕөр эмиэ кыракый дьиэ туттубута, аттыгар улахан дьиэ баара, урут барааччы-кэлээччи тохтуур дьиэтэ. Улахан булка дьоҕурдааҕа, дьону батыhыннаран бултуура. Элбэх дьоҥҥо сут кэмигэр бултаабыт булдун сыарҕаҕа тиэйэн нэhилиэк олохтоохторугар бэрсэрэ.

Эhэбит Иван Григорьевич ыраас, көнө, майгылааҕа, албыны-көлдьүнү сөбүлээбэтэ. Бэйэтэ уус, дьээбэ-хообо тыллаах үтүө киhи этэ. 1990 сыллаахха 63 сааhыгар олохтон туораабыта.

Наҕараадата: «Японияны кыйыы иhин» мэтээл.