Колесов Михаил Васильевич (1916 г.р.)

Хос эһэм Колесов Михаил Васильевич Нам улууhун 1 Хомустааҕар 19.11.1916 сыллаахха төрөөбүт. 1935-1945 сс Ааллах-Үүн көмүс хостуур приискатын үлэһиттэригэр ас-таҥас, наадыйар малларын обуоһунан илдьэргэ кыттыыны ылбыта, ол ыарахан үлэтин туһунан уолугар – мин эһэбэр кэпсиирэ. Атынан өрүс мууhа турда да биэстии сыарҕа таhаҕас тиэнэн илин диэки айанныыллара, үксүн сатыыаттарын сиэтэн хас да тыһыынча көhү хаамаллара. Биирдии сырыыга үстүү ый буолан баран эргиллэн кэлэллэрэ. Кэлин «Калинин» аатынан холкуоска тракториhынан, механигынан үлэлээбитэ.Дьоҥҥо-сэргэҕэ биллэринэн хос эhэбин «Золотой механик» диэн ытыктаан ааттыыр эбиттэр.

Наҕараадалара: «Аҕа дойду сэриитин сылларыгар үлэҕэ килбиэнин иhин», «Үлэҕэ килбиэнин иhин» уонна юбилейнай мэтээллэр, тыыл уонна үлэ ветераннара, Михаил Васильевич Нам улууhун бочуоттаах гражданина.

1947 сыллаахха хос эбэм уонна хос эhэм ыал буолбуттар. Аҕыс оҕону төрөтөн, үөрэттэрэн, үлэhит оҥортоон, олохторун түстээн, элбэх сиэннэнэн, хос сиэннэнэн эбээ, эhээ буолар дьолун билбиттэрэ.

Мин хос эhэлээх эбэбинэн киэн туттабын, махтанабын! Кинилэр сэрии ыарахан сылларыгартөрөөбүт дойдулара сайдарын туhугар үлэлээн-хамнаан күүстээх кылааттарын киллэрбиттэрэ, Улуу Кыайыыны уhансыбыттара!

 

Ааптар: хос сиэннэрэ А.Г. уонна Н.К. Чиряевтар ааттарынан 5 «б» кылааһын үөрэнээччитэ А.Колесов.