Кириллина Нина Титовна

Мин хос эбээм Кириллина Нина Титовна, Сунтаар оройуонун 2с Нөөрүктээйи нэһилиэгэр атырдьах ыйын 15 күнэ 1930 сыл күн сирин көрбүтэ.
Аҕата, Кириллин Тит Иванович, 1900 сыллаахха төрөөбүт, урукку алфавитынан ааҕар-суруйар, үөрэхтээх, тылын ылыннарар, сытыы өйдөөх буолан өр сылларга «Холбоһуу» холкуос бэрэсэдээтилинэн талан үлэлэппиттэр.
Кинини сэриигэ ыытаары оройуоҥҥа үстэ төхтүрүйэн ыҥыра сылдьыбыттара да, дойдутугар салайар дьоҕурдааҕын көрөн, холкуоска бэрэссэдээтилинэн хаалларбыт буолуохтарын сөп диэн ахтара.
Ийэтэ, Мария Гавриловна Кириллина, Ньурба оройуонун Маалыкайыттан төрүттээх, 1900 төрүөх, холкуоска үлэлээбит, от, бурдук хомууругар, кыһынын субан сүөһү көрөрө, диир.Төрөөбүт дойдута
Бүлүү өрүс хаҥас биэрэгэр, өрүстэн көстөн турара эбитэ, көрүөхтэн эрэ кэрэ айылҕалаах дойдум харахпар, өйбөр-санаабар, сүрэхпэр-быарбар улахан ахтылҕан буолан иҥэн сылдьар»-диэн кэпсиирэ. Сэрии кэмнэрэ буолан оҕо сааспыт диэн да суоҕа, сайынын от мунньуутугар, бурдук хомууругар үлэлэһэрбит, техника суох, барыта илиинэн мунньуу, сатыы сылдьыы, кумаары кумаар, куйааһы куйаас диэбэккэ, күннээҕи сорудахпытын толорорбут, үлэлиирбит.
Биригэдьиирбит Өкүлүүнэ эмээхсин, биригээдэтэ оҕо-аймах, дьахтар этэ.
От үлэтигэр, бурдук хомууругар уончалаахпытыттан үлэлэһэн барбыппыт, оҕус сиэттэрэллэр, бугул түгэҕэ харбаталлар этэ. Ыраах сирдэргэ, Бүтэй Түгэҕэр, арҕаа өтөхтөргэ балаакканан хоно сылдьан үлэлиирбит. Самыырга да өрөөбөт курдукпут, сиилэс, талах бэлэмнээһинэ буолара. Сэрии аас-туор сылларыгар убайдарым балыктаан, моҕотойдоон, күтэри бултаһан туттараллара. Сэрии кэмигэр дьон-аймах быстаран, аччыктаан өлүү-сүтүү элбэҕэ. Холкуоска үлэлэрин иһин 1943-44сс дохуот үллэстиитэ буолара, ол саҕана биһиэхэ, оҕолорго, бааһынаҕа тохтубут бурдугу хомуйууга нуорма олохтууллар этэ,ити нуорманы хайаан да толотторор этилэр.
Сунтаар сириттэн сыдьааннаах таайбыт Колесников Иннокентий Афанасьвич, кини кыыһа Лия Иннокентьевна Колесникова, балтыта-эбээбит Кириллина Нина Титовна-
сүүрбэһис үйэ саҕаланыытыттан үтүөҕэ-сырдыкка угуйааччы, саҥаҕа уһуйааччы учуутал буоланнар, билигин эбээбит оҕолорунаан «Династия педагогов» диэн бэлиэлээхпит.
Эбээбит, Кириллина Нина Титовна Сунтаар орто оскуолатын 1952 с бүтэрбитэ, үрдүк үөрэххэ киирбитэ. Дьокуускай Саха государственнай университетын бастакы выпуснига, идэтэ биолог-химик. Чурапчы оройуонун оскуолаларыгар 1957 с биолог-химик учууталынан, завуһунан 40 -тан тахса сыл үлэлээн пенсияҕа тахсан, алта оҕолонон, Чурапчы оройуонун иккис төрөөбүт дойдута буолан олорбута.
Нина Титовна Кириллина, Аҕа дойду Улуу сэриитин ветерана, үлэ фронун кыттыылааҕа, педагогическай үлэ ветерана, үөрэхтээһин систематын, Саха Республикатын ветераннарын бочуоттаах ветерана, Саха Республикатын үөрэҕин туйгуна,
1957-1998 дылы Чурапчы улууһун Кытаанах, Хатылы, Чурапчы сэлиэнньэтин аҕыс кылаастаах оскуолатын, Чурапчы спортивнай орто оскуолатын биологияҕа, химияҕа учууталынан, завуһунан, кылаас салайааччытынан, кабинет сэбиэдиссэйинэн, пришкольнай учаастак салайааччытынан, пропагандист, профсоюз, дьахтар комитетын активнай чилиэнинэн, норуодунай суут заседателинэн, күөх зона инспекторынан, үлэлээбитэ.
Үөрэҕирии салаатыгар эҥкилэ суох өр сылларга таһаарыылаах үлэтин иһин Саха АССР Үөрэҕириитин министерствотын уонна Обком профсоюһун комитетын Грамоталарынан наҕараадаламмыта:
-Материнская Слава 3; 2 степени;
-«За доблестный труд в ознаменование 100-летия со дня рождения В.И.Ленина»
(1970)
-«Ветеран труда» (1981)
-«За доблестный труд в годы ВОВ в 1941-1945гг, Маршал Советского Союза Жуков»(1995)
-«80 лет Великой Октябрьской Социалистической революции»(1997)
-«60 лет Победы в ВОВ 1941-1945гг» мэтээллэр кавалердара;
-«Ветерану ВОВ 1941-1945гг » Юбилейный знак РС(Я)
-«Отличник образования РС(Я)»
-«Почетный ветеран системы образования РС(Я)».
-«Почетный ветеран РС(Я) за большие заслуги в развитии ветеранского движения».
-Занесена в книгу «Педагогическая династия РС(Я)»

Спиридонов Филипп Иванович

Мин хос эһээм, Филипп Иванович Спиридонов 1927 сыл от ыйын 3 күнүгэр Чурапчы оройуонун Кытаанах нэһилиэгэр төрөөбүтэ. Аҕата Иван Гаврильевич Спиридонов сылгыһытынан, колхозка биригэдьииринэн, тутуу биригэдьииринэн , колхоз бэрэссэдээтилинэн үлэлээбитэ, ийэтэ Мария Саввична Новгородова сатабыллаах иистэнньэҥ, итии чэйдээх дьиэ хаһаайката. Ийэлээх аҕата айылҕаттан сэмэй, ыллыктаах тыллаах, олохторун дьиҥ сахалыы дьаһанан олорбут дьон.
1936-1943 сыллардаахха Кытаанах сэттэ кылаастаах оскуолатыгар ситиһиилээхтик үөрэнэр. Колхуостаах оҕото буолан үөрэҕин быыһыгар уонна сайынын от-мас, бурдук мэһийэр үлэтигэр үлэлиир.
1941-1945 сыллардаахха Аҕа дойду сэриитин кэмигэр эр дьон, үлэһит илии букатын тиийбэтинэн «Эдэр ыччат» колхуоска хонуу үлэтигэр үлэлээбитинэн барбыта. Сут, сэрии ыарахан сылларыгар колхуос ыарахан үлэтин билбитэ. Колхуос, нэһилиэк общественнай үлэтигэр активнайдык кыттара.
1941 сыллаахха пионерга киирэр.
1943-1945 сыллардаахха сэрии кэмигэр үөрэҕин тохтотон сайынын окко куучамныыр, ат кыраабылынан от мустарар, күһүнүн молотилкаҕа бурдук астатар, кыһынын ноһуому хойгуонан хоҥуннаран хаһан оҕуһунан бааһынаҕа ноһуом таһар,
1944-1945 сылларга илии үлэтин таһынан кыладыапсыктыыр.
1945 сыллаахха ыам ыйыгар Ленинскэй комсомол кэккэтигэр киирэр. Чурапчыттан боломуочунай тахсан сэрии сылларыгар таһаарыылаахтык үлэлээн кыайыыны уһансыбытын иһин комсомолга киллэрэр. Комсомольскай үлэҕэ активнайдык кыттар, политагитатор быһыытынан, художественнай самодеятельностка талааннаах артыыс уонна да элбэх атын үлэни үлэлиир. Филипп Иванович Спиридонов уонтан тахса сыл партийнай тэрилтэ сэкрэтээринэн , 5 төгүл нэһилиэктэр Советтарын депутаттарынан быыбарданан үлэлээбитэ.
Наҕараадалара: Колхоз, совхоз администрациятын ССКП райкомун бюротун, райсовет исполкомун, Саха АССР комсомол, партия Обкомун комитеттарын, Министрдар Советтарын, профсоюз Уобаластааҕы Советын юбилейнай, бочуотунай грамоталарынан, махтал суруктарынан, социалистическай күрэхтэһиигэ үрдүк көрдөрүүлэрин иһин (1970).
-«За доблестный труд в годы ВОВ в 1941-1945гг(1948)
-«За добросовестный труд в ознаменование 100летия со дня рождения В.И.Ленина.(1970)
-«ХХХ лет Победы в годы ВОВ 1941-1945гг «Участнику трудового фронта.»(1975)
-60 лет Великой Октябрьской Социалистической революции (1977)
-Ветеран труда СССР

Автор: Саввинов Лев, 1 «г» класс, СОШ №17