Кириллин Михаил Капитонович (1922 г.р.)

Эһэбит, хос эһэбит Кириллин Михаил Капитонович 1922 сыл от ыйын 29 күнүгэр Боотурускай улууһун Хадаар нэһилиэгэр төрөөбүтэ. Чакыр, Дириҥ оскуолатыгар үөрэммитэ.

1941-1943 сс. Чакыр нэһилиэгин сэбиэтин сэкирэтээринэн үлэлээбитэ.

1943-1945 сс. Иркутскай уобалаһыгар Усолье-Сибирское куоракка «Кожхром»  заводка 1355 №-дээх рабочай хамаандаҕа үлэ фронугар сылдьыбыта.

1945-1977 сс.  «Молотов», «Правда» колхозка, «Эрилик Эристиин» совхозка 32 сыл бухгалтерынан үлэлээбитэ. 1978-1988 сс. Чурапчы оройуонун Чакырыгар леснигинэн үлэлээбитэ. Үлэлээбит кэмигэр (1947, 1950, 1965, 1971, 1973) Чакыр, Хайахсыт нэһилиэктэригэр нэһилиэк сэбиэтин депутатынан талыллыбыта.

Кириллин Михаил Капитонович – Чурапчы улууһугар биллэр кыраайы үөрэтээччи этэ. Эһэбит 1941 сылтан сэрии бүтүөр диэри Аҕа дойду сэриитигэр, үлэ фронугар Чакыр нэһилиэгиттэн ким хаһан ханна ыҥырыллан барбытын, кэлбитин, өлбүтүн-сүппүтүн суруна, бэлиэтэнэ сылдьыбыт. Кэлин 1979 сыллаахха бу үлэтин хат сөргүтэн, дириҥэтэн, уонча сыл тухары дьаныһан туран көрдөөн, архыыптарга үлэлээн, илиинэн бэчээттиир массыыҥкаҕа үс хос бэчээттээн, 1988 сыллаахха дьоһун кинигэ оҥорон бэлэмнээбитэ. Михаил Капитонович “Чакырдар Аҕа дойду сэриитигэр” кинигэтэ 2023 с. “Алаас” кинигэ кыһатыгар  тахсыбыта. Кинигэҕэ сэрии, үлэ фронун кыттыылаахтарын, 98 киһи, туһунан эһэбит хомуйбут матырыйаала, сэрии фронугар сылдьыбыт кэмин туһунан суоллааҕы бэлиэтээһиннэрэ, саллааттар суруктара, ахтыылар, сэрии кыттыылаахтарын хаартыскалара киирбиттэрэ.

Эһэбит туһунан “Үтүө киһи аата – үйэлээх” диэн ахтыы кинигэтэ 2013 с. “Көмүөл” кинигэ кыһатыгар бэчээттэммитэ.

Наҕараадалара: «За доблестный труд в Великой отечественной войне 1941-1945 гг.», «За доблестный труд. В ознаменование 100-летия со дня рождения В.И. Ленина», «Тридцать лет Победы в Великой отечественной войне 1941-1945 гг.», «Ветеран труда», «Сорок лет Победы в Великой отечественной войне 1941-1945 гг.» мэтээллэр, «Победитель Социалистического соревнования 1974 г.», «Победитель Социалистического соревнования 1977 г.», «Ударник девятой пятилетки», «Х лет службы в государственной Лесной охране СССР» бэлиэлэр.

КМК_книга

К. Борисова,  6 кылаас