Каратаева Анна Сидоровна (26.01.1912 г. – 13.03.1997 г.)

Тыыл Бэтэрээнэ, Советскай, партийнай, хаһаайыстыбаннай үлэһит

Анна Сидоровна Каратаева 1912 сыллаахха тохсунньу ый 26 күнүгэр  Бүлүү Тааһаҕар ньэһилиэгэр төрөөбүтэ.  Кини 18 сааһыгар диэри дьиэ ис-тас үлэтигэр сылдьыбыта. Дьоно оскуолаҕа биэрбэтэхтэрэ.

Ити бириэмэҕэ тыа сиригэр холбоһуктааһын тэнийбитэ. 1930 сыллаахха Тааһаҕар батараактара мустан «Үлэ күүһэ» артыалы тэриммиттэрэ. Артыал тыа сирин сайыннарыытыгар бастакы акылааты Тааһаҕардар түһэрбиттэрэ, ол онно бастакы  күүстээх үлэ Анна Каратаеваҕа, кини инники дьылҕатыгар сүрүн оруолу оонньообута.

Артыаллаах-активистка, Анна Сидоровна 1931 сыллаахха БСК(б)П чилиэнигэр кандидатынан киирбитэ.

Анна Сидоровна 1932-1933 сыллардаахха утуйар уутун умнан туран, дьулуурдаахтык ааҕар, суруйар буолар, начальнай оскуоланы бүтэрбиттин туһунан дастабырыанньа ылар.

1937 сыллаахха «Ворошилов» аатынан колхоз бырабылыанньатыгар председателинэн талыллар. Эдэр салайааччы саҥа сирдэри солоон, ыһыы сирдэри ыһан, сирдэрин кэҥэтэр соругу, Ворошиловтар ханнык да колхозтааҕар күүскэ ыыппыттара. Күһүнүгэр Күбээйи, Ойуун күөлэ, Тамалакаан алаастарын бааһыналарыттан дьэһимиэн, оруос өлгөм үүннүүтүн хомуйбуттара. Анна Сидоровна ити бириэмэҕэ салайар кадрдары үөрэтэн бэлэмниир 2 ыйдаах кууруска ыҥырыы суругу тутар.

Куурус кэнниттэн Райком бюротугар Анна Каратаева аппаракка инструкторынан үлэлии хаалар.

1943 сыллаахтан Бүлүү оройуонугар Каратаева А.С. колхозка председателынан ананар. Улуу сэрии кэмигэр, Бүлүү оройуона, тыа хаһаайстыбатын үлэтигэр ситиһиитин, үчүгэй көрдөрүүтүн иһин «Бэлиэ» ылар.

1944 сыллаахха, ССРС сирин оҥоһуутун народнай коммиссариата, председатель  А.С. Каратаеваны «Тыа хаьаайыстыбатын туйгуна» значогунан наҕараадалыыр. Ол сылга, Анна Сидоровнаны, партия райкома Якутскайга биир сыллаах партийнай оскуолаҕа үөрэттэрэ ыытар.

Анна Каратаева үөрэнэн кэлээт, Орто-Бүлүү Тоҕуһугар наһилиэк Советын председателинан ананар, онтон «Коммунист» колхоз председателинан, онтон 1949 сылтан 1956 сылга диэри уполминзал инспекторынан үлэлиир. Ол кэмтэн 1969 сылга диэри Дьөккөн, Арыылаах нэһилиэктэригэр Совет исполкомун председателэ буолар. 1969 сыллаахха Анна Сидоровна пенсияҕа тахсыбыта.

Тыыл бэтэрээнэ, советскай, партийнай, хаһаайыстыбаннай үлэһит — Анна Сидоровна дьулуурдаах үлэтэ РСФСР, Саха АССР Верховнай Советтарын Бочуотунай Грамоталарынан уонна Ленинскэй юбилей мэтээллэринэн бэлиэтэммитэ, «Тыа хаһаайыстыбатын туйгуна» значоктарынан икки төгүл наҕараадаламмыта.

 

Автор: Каратаева Л., 2 кылаас үөрэнээччитэ