Капитонова Анна Ивановна (1924-1975)

Анна Ивановна Капитонова 1924 с. Маҥаныга төрөөбүтэ. Сэрии иннинэ Күрүн Күөлэ диэн сиргэ олорбуттар. 15 сааһыттан «Ыччат Күүһэ» холкуоска сүөһү көрүүтүгэр улэлээбит. Сэрии кэнниттэн ыанньыыксытынан 1975 с. өлүөр диэри үлэлээбитэ. Сэрии сылларыгар «1941-1945 сс. Аҕа дойду Улуу сэриитигэр килбиэннээх улэтин иһин» диэн мэтээлинэн наҕараадаламмыта. Бастыҥ үлэлээх үлэһиттэр ахсааннарыгар киирэн, 1970 с. «В.И.Ленин төрөөбүт» 100 сыла туолуутун бэлиэтигэр килбиэннээх улэтин иһин» мэтээлинэн наҕараадаламмыта. 1973 с. «Атамай» сопхуоска хас биирдии ынаҕыттан 2000 кг үүтү биир бастакынан ыабыта. 1975 с. Улуу Кыайыыны 30 сылынан үбүлүөйүнэн мэтээлинэн наҕараадаламмыта. Эдэр ыччат наставнигынан, хас да төгүл нэһилиэк, оройуон сэбиэтин депутатынан талыллыбыта. Үлэтигэр олус бэриниилээх, туох баар сатабылын, күүһүн-уоҕун ууран улэлээбитэ. 51 сааһыгар ыалдьан өлбүтэ.

Кириллова Кюннэй, 8 в класс, МОБУ СОШ №17