Иванова (Сергеева) Татьяна Герасимовна

Мин хос эбэм аата Иванова Татьяна Герасимовна, Үлэ, тыыл бэтэрээнэ, 1933 сыллаахха от ыйын 1 кунугэр Ньурба улууһун Токос нэһилиэгэр Сергеевтэр дьиэ кэргэттэригэр үһүс о5оннон күн сирин көрбүтэ. Аҕата, Сергеев Герасим Петрович (1891с)- сылгыһыт, сылгы сэбиэдиссэйэ, оттон ийэтэ Сергеева Анастасия Ефимовна (1905с) дайаарка этэ. Хос эбэм ийэлээх аҕата «Комбайн» холкуос чилиэннэрэ этилэр.

Сэрии буолбутугар хос эбэм аҕыс эрэ саастаах эбит. Сэрии буолбутун туһунан ийэтэ ытыы- ытыы биллэрбит. Дьон бөҕө аймаммытын билиҥээҥҥи дылы саныыра. Аҕата элбэх оҕолоох уонна кэргэнэ ыарыһах буолан сэриигэ ыыппатахтар, ол иһин тыыннаах хаалбыппыт диэн кэпсиирэ, тоҕус оҕоттон сэттэ буолан тыыннаах хаалбыттар эбит. Сэрии сылыгар Татьяна Герасимовна сайынын аҕатыгар холкуос убаһатын аһатарга көмөлөһөрө. Оҕолордуун бурдук ылҕаан туттараллара, оҕус сиэтэн от бугуллааһыныгар сылдьаллара. Сэрии кэмигэр биир сыл аһыҥа буулаабыт, онно аһыҥа бурдукка киирбэтин диэн ханааба хаһыытыгар үлэлээбит. Холкуоска хортуоска, хаппыыста үлэлээһинигэр сыыс от ыраастаан, хостоон, сэрии устатыгар бастайааннай үлэлээбит.

1945 сыллаахха сэрии бүппүтүгэр оскуолаҕа киирбитэ. Дьоно ыалдьан, 5 кылааһынан үөрэҕин тохтоппута. 14 сааһыгар аҕата өлөн  холкуоска дояркалыы киирэр. Ыал улахан кыыһа буолан, бырааттарын, балыстарын үөрэппит, дьонун ыарыылаан харайбыт.

1961 сыллаахха аналын корсон Иванов Николай Афанасьевичка ойох тахсар. Алта оҕону төрөтөн нэһилиэккэ дьон убаастыыр ыала буолаллар.  20 сыл дайааркалаабыт, 15 сыл балыыһаҕа санитааркалаабыт.

1999 сыллаахха Татьяна Герасимовна Дьокуускай  куоракка көһөн кэлэн, олох тэһийбэккэ, 5 сыл ДСКаҕа дворниктыыр, 75 сааһыгар дьэ пенсияҕа олорор. Татьяна Герасимовна 8 сиэннээх, 5 хос сиэннээх.

Билигин кини баара буоллар 92  сааһын туолуо этэ. Мин хос эбэбин Татьяна Герасимовнаны өйдүүбүн. Элбэх кэпсээннээх, куруук үорэ — көтө сылдьара харахпар бу көстөр.

 

 

 

 

 

 

 

 

 

 

 

 

Автор:  ученица 2б класса М.А.Руфова МОБУ СОШ 23