Иванова Раиса Иннокентьевна 1924 года рождения

Хос эбээм Иванова Раиса Иннокентьевна 1924 сыллаахха Тарыҥ урэххэ, Горнай оройуонугар төреебүт. 8 оҕоттон Кристинэлиин иккиэйэҕин эрэ тыыннаах хаалбыттар. Хоролоох оскуолатыгар 3 сыл үөрэммит. Ол кэннэ «Ыччат күүһэ» холкуоска үлэлээбит. Сэрии саҕана ыанньыксыттаабыт, мастарын, отторун бэйэлэрэ булуналлар эбит, кэрдэллэр, таһаллар. Сайын ынаҕы хайаан да 4 -тэ ыаталлар эбит, ыабатаххына төлөтөллөр эбит. Илиии баттаталлар эбит, ынахпын өлөрбөккө кыстатабын, иһиппин, олоппоспун алдьаппаппын, сүтэрбэппин диэн. Ынах ыан, үүтүн эрийэн, сүөгэйин арыылыыллар эбит, онтон ону уулларан баран туттараллар. Бэйэлэр эоттоон кыстыыллар эбит. Хотоннорун бэйэлэрэ өрөмүөннээн, оскуома аҕыйах буолан талаҕынан иҥин туттараллар эбит. Сэрии саҕана аччыктаан сирэйдэрэ иһэр эбит. Кэбээйигэ баран кыстаабыт, онно куйуурдаан балык сиэбиттэр, минньигэһэ бэрт үһү. Сирэйдэрэ испитэ онно дьэ ааспыт үһү. Америкаттан биирдэ бурдук аҕалбыттар, учугэй, сэлиэһинэй бурдуга үһү, үйэбэр оннугу сиэбэтэгим диэн кэпсээбит. Кыратык биригэдьиирдии сылдьыбыт, ыраах баҕайы сатыы тиийэр сиргэ. Нолуок бөҕөтүн төлүүр эбиттэр. Таҥас өрбөҕүнэн үтүлүк тигэн сэриигэ сылдьар дьоҥҥо ыыталлар эбит.

 

Автор: Хос сиэнэ Кириллова А, 6в кылаас уорэнээччитэ.