Иванова Мария Егоровна (1913 г.р.)

Биhиги хос эбээбит, Иванова Мария Егоровна, 1913 с. Yөhээ Бүлүү Онхой нэhилиэгин Аhыкайыгар төрөөбүт. А5ата сыты-хотуу таhа5ас таhар Айанньыт Дьөгүөр буолар.

Сэрии ыар сылларыгар кыайыылаах-хотуулаах үлэhиттэртэн биирдэстэрэ. Эр киhи үлэтин барытын үлэлиир эбит: кыhын сыар5анан от тиэйэр, сайын-саас  сир, от үлэтэ.

«Туох баар сүгүү-көтө5үү үлэтэ барыта миэнэ буолааччы, сытыы-хотуу, кыахтаах диэн ат көлүйэн элбэхтэ атырдьагынан быра5ынан от тиэйбитим. Туун уочаратынан бурдуктаах ыскылааты маныыр этибит, эр киhи суох буолан, дьыбарга улаханнык «Баhылай», «Уйбаан» диэн куоласпытын сонотон ынырсарбыт», — диэн кэпсиир этэ.

Эбээбит, Мария Егоровна, со5отох кыыс о5отуттан – ол биьиги эбээбит Павлова  Марина Григорьевна – 10 сиэннээх. Кэлин сиэннэрин барыларын көрсөн улаатыннартаабыта. Ийэлэрэ, а5алара, эдэр дьон, үлэ үөhугэр сырыттахтара.

«Эбээбит элбэх кэпсээннээх, бүппэт остуоруйалаах буолара. Киэhээтин оhох тула мустан олорон остуоруйа истэрбит, арыт хомуска оонньоон дьүрүhүтэрэ, дьикти сүүрээн хоhу толорорун билигин да бу баардыы өйдүүбүт. Сайын кып-кыра дьону субурутан уу баhа киирэрбитин, от үлэтигэр кыралыын-улаханныын бары барар буоларбыт» — диэн сиэннэрэ, биhиги ийэлэрбит, билигин ахталлар.

Кэлин биhигини, хос сиэннэрин, көрсүбүтэ. Биhиги өйбүтүгэр-санаабытыгар Эбээ Маарыйа сырдык уобараhа өрүү баар. Ол са5ана Чкаловка сиэттэрбин а5ынным диэн, 18 км сиргэ биирдэ сатыы баар буола түhэрэ: «Хойут кэлиэх буолбут ходо5ойгут эмиэ хорос гынным», — диэбитинэн күлэн мичилийэн киирэн кэлэрэ, диэн эбээбит, Марина Ивановна, кэпсиир буолара.

Мария Егоровна тыл ветерана, социалистическай үлэ геройа.

 

Автор: сиэннэрэ Давыдовтар