Иванов Василий Иванович (1909-1987 г.р.)

 

Уроженец. с. Урэн Верхневилюйского района ЯАССР

Мин аҕам Александр Никитич хос эбээтэ Иванова Варвара Ивановна бииргэ төрөөбүт 4 бырааттара төрдүөн Үөһээ Бүлүүттэн 1942 с. от ыйыгар  пароходунан сэриигэ аттаммыттара. Таайдарым Ньукулай, Дэлиһиэй  Сталинград, Ленинград куораттары босхолооһуҥҥа геройдуу өлбүттэрэ. Онтон кыра бырааттара Капитон сураҕа суох сүппүтэ. Бу хаартыскаҕа көстөр таайым Иванов Василий Иванович Крымы өстөөхтөн босхолоспута. Кини Севастополь куорат иһин кимэн киириигэ уҥа атаҕар оскуолка түһэн өйүн сүтэрэн сыппыт. Онтон өйдөммүтэ хаана бөҕө сүүрэ сытарын көрөн, солдатскай курун устан араанньытын үөһэ өттүнэн жгуттаан хаанын тохтоппут. Сэрии бөҕө бара турар буолан сэриилэһэр сириттэн кыайан таһаарбатахтар, онон киэһэ хойут госпиталга илдьибиттэр. Онно операция оҥороннор быраастар уҥа атаҕын быспыттар.Госпиталга сылтан ордук эмтэнэн баран Кыайыы буолбутун кэннэ кыһын дойдутугар Үөһээ Бүлүүгэ атаҕын оннугар  балтыһахтаах уонна торуоскалаах кэлбитэ. Кини “За отвагу” мэтээллээх уонна “Отечественная война 1 степени” уордьаннаах. Уонна элбэх үбүлүөйүнэй мэтээллэрдээх. Сэрии кэнниттэн Бүлүү куоратын Педучилищетыгар столярынан үлэлээбитэ.

Мин хос-хос-хос эбэм Иванова Аксинья  төрөппүт 4 уола Аҕа дойду Улуу сэриитигэр хорсуннук сэриилэспиттэрин иһин аата көмүс суругунан Якутскайга баар Ийэ скверин стеллатыгар суруллубута.

 

 

Автор: К.Саввинова 5в кылаас