Мин хос хос эһэм Иванов Прокопий Иванович 1900 с. Кукаакы нэһ. «Баҕа балык» диэн сиргэ төрөөбүтэ. Сэрии иннинэ сылгыhытынан «Победа» колхозка улэлээбитэ. Билиҥҥитэ Малыкай нэhилиэгэ Ньурба улууьа. 1943 с. от ыйын 3 күнүгэр Ньурбаҕа комиссияҕа ыҥырыллан киирбит. Сааьа кырдьаҕас буолан улэ фронугар Тиксиигэ үлэҕэ барарга быһаарбыттар.

Мин хос хос эhэм ахтыытын Кыайыы 75 сыллаах юбилейдаах сылыгар анаан тахсыбыт «Аҕам тэлбит ыллыгынан» диэн кинигэттэн ыллым, автор Мария Евсеева-Кириллина.

 

Хос хос эhээм ахтыыта.

 

«Миигин от ыйын 3 кунугэр 1943 сыллаахха Нюрбатааҕы военкомакка ынырбыттара уонна Тиксигэ улэҕэ ыытарга анаабыттара. От ыйын 4 күнүгэр 150ча саха буоламмыт баарсаҕа тиэллэн Бүлүү куоратыгар тиийбиппит. Бүлүүгэ тиийэн 8 хоммуппут. Ол устатыгар арааас үлэҕэ сылдьыбыппыт. Борокуот кэлэн Сангаарга илдьибитэ. «Первая пятилетка» диэн борохуотунан Ленаннан муораҕа киирбиппит. Ньурбаттан Тиксиигэ дылы 2 ый устата айаннаабыппыт. Тиксиигэ ый аҥарын курдук судно аҕалбыт араас таһаҕаһын таспыппыт. Биирдэ түүн комиссия буолла уонна элбэх дьону ол иһигэр миигин Нордвикка барарга эппиттэрэ. Балтараа сүүс көстөөх сиргэ үс хонон тиийэҕит диэн үс хонор ыһык биэрдилэр. Аара муораҕа баал түһэн үс хонон тиийэр сирбитигэр 8 суукканан тиийдибит. Суолга эрэй бөҕөнү көрдүбүт, аспыт суох, судно хачайыгар өлбөтүбүт эрэ. Тиийэн араас үлэҕэ сырыттыбыт, груз тастыбыт, саһаан оҕустубут, киһи тулуйбат тымныыта, буурҕата буолла. Ити түүн устата комиссия буолла. Комиссия быһаарыытынан биһиги Тиксигэ төннөр буоллубут. Тиийээппитин кытта митинг буолла. Саха сириттэн сылдьар дьоҥҥо үчүгэйдик үлэлээбиппитин иһин благодарность биэрдилэр. Уонна сахалары дойдугутугар төннөҕүт диэн буолла. Ол күн самолет испииһэгэр суруттардыбыт. Мин иккис рейскэ 15 киһи буоллум. Биир самолекка уон ол эбэтэр 15 киһини суруйаллар. Сотору бастакы рейс дьоно Якутскайга көттүлэр. Биһиги балтараа көстөөх сиргэ массыынаннан киирдибит. Сотору самолет кэлэн дьону киллэртээн бардылар. Летчик погода куһаҕан диэн 12 киһини эрэ ылла. Мин икки саханы кытта сарсыҥҥы самолету кэтэһэ хааллыбыт. Арай күн тура-тура кэтэс да кэтэс. Ол курдук 3 ыйы быһа кэтэстибит. Ити тухары таах сыппатыбыт, кун аайы портка улэлиибит Муус устар 20 күнүгэр комиссия буолта. 5 киһини Усть-Оленек экспедициятыгар барарга быһаарбыттара. Ол истэригэр мин баарым. 5 буолан самолетунан көттүбүт. Онно баран 3 сыл устата шахтаҕа нефть хостооһунугар үлэлээбиппит. 1947 сыл муус устар ыйга биһигини дойдугутугар бараҕыт диэн улэттэн босхолоон кээстилэр. 3 сыл үлэлээбит хамнасптын ааҕан биэрдилэр. 5 көстөөх «Ыстааннаах хочо» диэн сиргэ икки буолан тракторынан бардыбыт. Аргыһым Бүлүүттэн сылдьар саха этэ. Атырдьах ыйын 25 күнүгэр ити сиргэ борохуоту кэтэһэн сыттыбыт. Ити сыл уу аҕыйах этэ, онон Бүлүүгэ барар кыах суох буолан Дьокуускайдаан хааллым. 20-чэ хонон баран Армияттан иһэр саллааттары кытта Ньуурбаҕа кэлистим. Ньурбаҕа 1947 с. сэтинньи 2 күнүгэр, 8 ый курдук  айаннаан тиийэн кэлбитим.

Сэрии кэнниттэн Степан Васильев аатынан колхозка сылгыһытынан онтон Маалыкайдааҕы рабкоопка рабочайынан улэлиибин.»

 

Из книги Анисимова И.А. «КНИГА ПАМЯТИ НЮРБИНСКОГО РАЙОНА»

«Ветераны Великой Отечественной войны».

Иванов Прокопий Иванович. Родился в 1900. Якут. Неграмотный. Член колхоза «Победа». Призван 03.07.1943 Нюрбинским РВК. Участник трудфронта (Порт Тикси, бухта Нордвик Анабарского района). С 20.04.1944 работал в Усть-Оленекской экспедиции. Демоб. 16.04.1947.

            После войны работал на с/х производстве, в совхозрабкоопе. Награжден медалью «За доблестный труд в ВОВ». Умер 14.01.1977.

Автор Шергин Д, ученик 4 класса г. Якутск