Иванов Иван Софронович (1925-2001 гг.)

Улэ-тыыл бэтэрээнэ

Иванов Иван Софронович I – 05.02.1925с – 23.08.2001с

Эһээм туһунан ахтыы

Мин хос эhээм 1943с 18 саастаах эдэр уол уҥуоҕунан кыра буолан, 1,5 миэтири кыайбат уҥуохтаах  эбит, хамыһыйаны ааспакка сэриигэ ыыппатахтар.

Ити кэмнэргэ II Лүүчүн колхозка  сэриигэ барбыт эр дьон оннугар  хаалан, күүстээх  үлэҕэ үлэлиир. Ол курдук бурдук ыһыытыгар, от оттооһунугар, күрүө-хаһаа тутуутугар, ыһыы сири алдьатыыга, сири оҥорууга бэйэтин харыстаабакка үлэлиир.

Бэриниилээх  үлэтин иһин Кэбээйи оройуонун  инники күөҥҥэ сылдьар  үлэһиттэрин  чиэстиир мунньаҕар 1953 сыллаахха ыҥырыллан турар. Бу мунньахха сүрэҕин аҥарын, мин хос эбээбин Иванова Екатерина Ивановнаны көрсөн ыал буолаллар.

50- с  сыллар диэки норуот суутугар суруксутунан үлэлиир.

Сайылык бөһүөлэгин кэҥэтиигэ, тэрилтэ дьиэлэрин, ферманы тутууга харса суох үлэлиир.

60 с сылларга тракторист, суоппар идэтин баһылаан  Мукучу нэһилиэгэр бастакы механизатор буолар. Колхоз бастакы трактордарын, массыыналарын бэйэтэ  перегоннаан аҕалтаан, нэһилиэк транспорынан хааччыллыытыгар күүстээх  үлэни ыытар.

1961 с «Кэбээйи» совхозка болуотунньугунан  үлэлиир. Кэлин бу совхоз «Мукучу» совхоһа диэн аата уларыйар.

1977с бочуоттаах сынньалаҥҥа барыар диэри ыскылаат сэбиэдиссэйинэн, уот станциятыгар дизелиһинэн үлэлиир. Эһэбит үлэлээбитин тухары бастыҥнар кэккэлэригэр сылдьыбыта.

Кырдьар сааһыгар төрөөбүт дойдутугар сир ылан, үүтээн туттан булдунан, балыгынан дьарыктаммыта.

Эһэбит эбээбинээн 47 сыл бииргэ дьоллоохтук  олорон  8 оҕону  атаҕар  туруоран, 30 ча сиэн, 10 ча хос сиэн тапталын билбиттэрэ.  Билиҥҥи кэмҥэ ыччаттара өссө да элбии – эбиллэ тураллар, туруохтара даҕаны. Дьоҥҥо үтүө, үлэҕэ  бэриниилээх сыһыаны өрө туппут буоланнар оҕолоругар, ыччаттарыгар  холобур буолаллара саарбаҕа суох.

 

 

Автор: И.Дормидонтов, ученик 5 класса.