Мин Эбээбин Миралюба Манчаровнаны ииппит хос Эһэм Иванов Афанасий Константинович, тыыл, улэ бэтэрээнэ. Кини 1935 сыллаахха Таатта улууһун, Игидэй нэһилиэгэр элбэх оҕолоох холкуостаах бааһынай дьиэ кэргэнигэр күн сирин көрбүтэ. Сэрии ыар кэмнэригэр уончатын ааспыт уол оҕо, Совхозка биригэдьиир суруксутунан, оҕус баайааччынан үлэлээбит.
Мин курдук саастаах сылдьан, дойдутугар бэриниилээх, улэһит киһи буолан сэрии кэмигэр улахан күүс-көмө буолбут.
Хос эһэм сэрии кэнниттэн этэҥҥэ оскуолатын бүтэрэн, 3 сыл аармыйаҕа сулууспалаабыта, ол кэнниттэн дойдутугар Тааттаҕа холкуоска, сельпоҕа үлэлээбитэ.
1959 сыллаахха Омскай куоракка тыа хаһаайыстыбатын институтугар үөрэххэ киирбитэ.

Мин хос эһэм Афанасий Константинович үөрэххэ-билиигэ баҕалаах, спортка сүрдээх сыһыаннаах эбит. Студенны сылдьан бүтүн союзтааҕы студеннар универсиядаларыгар спортивнай гимнастикаҕа 2 миэстэлээх. Волейболунан хойукка дылы оонньуур эбитэ үһү, кини быспыт мээчигин ким да сатаан ылбат эбит. Ол эрэн спортка ыраатыах киһи, дойдутугар Таатта5а практикалана сылдьан, куобах күрэҕэр атаҕар дэҥнэнэр. Икки сылы быһа сытан 7 төгүл эппэрэссийэ ааһар, оннук сытан үөрэҕин хаалларбат, бүтэрэр. Онтон сылтаан идэтинэн кыайан үлэлээбэт.


Онон салгыы Саха Государственнай университетын биология, география курсун бүтэрэн, Игидэй орто оскуолатыгар химия, биология учууталынан үлэлиир. Манан үөрэнэн бүппэт, 1976 сыллаахха Хабаровскайдаа5ы пединститут биохимическай факультетын бүтэрэр, химия учууталын идэтин ылар. Уонна олоҕун оскуолаҕа аныыр. 10-тан тахса сыл Таатта5а Чымнаайы, Игидэй оскуолаларыгар дириэктэрдиир. 1987 сылтан сельсэбиэт бэрэссэдээтэлинэн талыллан үлэлэлиир. Ону таһынан хаһыакка норуоднай корресподент. Хаартысканан туһэриинэн үлүһүйэр эбит.

Мин хос эһэм 3 төгүл «Социалистическай куоталаһыы» кыайыылаа5а, Учууталлар учууталлара, «Норуот үөрэҕириитин туйгуна», Саха сирин үөрэҕин министерствотыттан 5 төгүл бочуотнай грамотанан, Саха АССР Үрдүкү сэбиэтин Президиумумун бочуотнай грамотанан наҕараадалаах. Кини олоҕун тухары үлэтигэр, дойдутугар бэриниилээх, дьону бэйэтигэр тардар, ытыктанар киһи этэ. Мин эһэбинэн киэн туттабын, кини курдук үөрэхтээх киһи буолуом.

Автор: М.Иванов, ученик 6 класса.