Игнатьева Елена Николаевна (1931 г.р.)

 

Мин хос эбэм Игнатьева Елена Николаевна 1931 сыллаахха Сунтаар улууһун Маар-Күөл нэһилиэгэр төрөөбүтэ. Бииргэ төрөөбүттэр түөртэр, икки уол, икки кыыс. Аҕалара сэрии иннигэр өлөн тулаайах хаалбыттар. Икки убайдара Аҕа дойду сэриитигэр сураҕа суох сүппүттэрэ. Сэрии сылларыгар ийэлэрэ соҕотоҕун кыргыттарын атахтарыгар туруортаабыт. Уһун-Күөлтэн ийэлэрин дьонноро эт, куобах, аһылык аҕалан биэрэр буолан аччык сылы этэҥҥэ туораабыттар.

Мин хос эбэм Елена Николаевна сэрии саҕаланыытыгар 10 саастаах оҕо эбит. Онон сэрии аас-туор олоҕун, аччыктааһыны, колхоз ыарахан үлэтин барытын билбитэ.

Хос эбэм сэрии сылларыгар оҕус сиэтэн, бурдук суорунаҕа тардан, сайын оттоон улахан дьону кытта тэҥҥэ үлэлээбит.

Мин хос эбэм Елена Николаевна уонна хос эһэм Григорий Николаевич 8 оҕону төрөтөн иитэн, үөрэттэрэн, үлэһит оҥортообуттара.

 

 

Автор: В.Яковлев, ученик 1 класса.