Гуляев Илья Иванович (1929-2011)

1929 сыллаахха, сэтинньи 13 күнүгэр, Уус-Алдан Хоро нэһилиэгэр Илин Үрэххэ, Хардьымытта алааһыгар элбэх оҕолоох ыалга 9-с оҕонон төрөөбүт.

1939 сыллаахха Чараҥ оскуолатыгар үөрэнэ киирбит. Оҕо сааһа сэрии ыар сылларыгар күүрээннээх үлэни кытта хатыһан ааспыта. Ол курдук сайынын отчуттарга өйүө таһан, сиэмэ быһыытыгар улахан дьону кытта тэҥҥэ үлэлэһэрэ.

 

 

1951 сыл кулун тутарга Советскай Армия кэккэтигэр ыҥырыллан, сулууспалыы барбыта. Хабаровскай куоракка 2 сыл үөрэтэн баран, 1953 сыл тохсунньутугар Хотугу Кореяҕа сэриигэ ыыппыттара. Онно Ярусань диэн сиргэ электростанцияны харабыллаан, зенитнай пушкаҕа артиллериһынан сылдьыбыта. Сэрии кистэлэҥнээ5э, дойдуларыгар сурук ыыттарбат, мээнэ кэпсэттэрбэт этилэр. Алта ый буолан баран, сэрии бүппүтэ.

 

 

 

1944 сылтан үөрэҕиттэн тохтоон, колхозка  киирэр. От-мас бэлэмнээһинигэр, тиэйиитигэр, таһаҕас таһыытыгар үлэлээбит. Суоттуттан оҕуһунан кэрүүчэй таһаллара, тэрилтэлэргэ оттук мас бэлэмнээн, тиэйэллэрэ. Кыһынын атынан Бороҕонтон почта таһан Дьэҥкиидэҕэ илдьэрэ, онтон кэлэн  Тандаҕа  илдьэ  бараллара.   16 саастааҕыттан колхозка сылгыһытынан үлэлээбитэ. Сэрии сылларыгар үлэтин килбиэнин иһин « Сталин» мэтээлинэн («За доблестный труд в ВОВ 1941-1945 гг.»)  наҕараадаламмыта.

Ол кэнниттэн Кытайга Андунь диэн куоракка аэродром, тимир суол муостатын комускээбиттэрэ. Сэриигэ сылдьыбытыгар икки бойобуой мэтээллээх уонна Кытай комунистическай партиятын генеральнай сэкэрэтээрин Мао Цзэ Дун илии баттааhыннаах грамоталаах. Сэрии буппутун да кэннэ 25 сыл тухары ханна да кэпсээбэт гына анда5ар биэрбиттэр. Ол анда5арын тутуhан сэриигэ сылдьыбытын туhунан кимиэхэ да кэпсээбэт этэ.

                   

 

1955 сылга тохсунньуга дойдутугар төннөн, «Маленков» колхозка сылгыһытынан үлэтин сал5ыыр. Онтон ыла «Маяк», «Заболоцкай», «Партизан Егоров» колхозтарга (1955-74 сс.), «Герой Егоров», «Сардаҥа», «Мүрү» совхозтарга (1974-93сс.) сылгыһытынан үлэлээн, бочуоттаах сынньалаҥҥа тахсыбыта.

1955 сыллаахха сэтиньигэ Ховрова Татьяна Ивановналыын холбоһон, ыал буолар.

Туорт уол, икки кыыс огону торотон, улаатыннарбыттара, ыал онорбуттара.

Эһээбит Гуляев Илья Иванович уонна эбээбит Ховрова Татьяна Ивановна 56 сыл тухары 6 оҕо, 13 сиэн, 14 хос сиэн үөрүүлэринэн дьоллонон эйэ-дэмнээхтик бииргэ олорбуттара.

1955 сылтан дойдутугар колхоз, совхоз сылгыһытынан үлэлээн Үлэ бастыҥа буолбута.

1984 сыллаахха,  30ча сыл буолан баран, сэриигэ бииргэ сылдьыбыт Попов диэн киьини Покровскай куоракка көрсөр. Ол киьи бэтэрээҥҥэ тахсыбытын  билэн байыаннай архыыбы кытта суруйсубута. Архыып ыспыраапкатынан  Интернационалист буойун удостоверениятын ылбыта, сэрии бэтэрээнин аатын сүкпүтэ.

Улуу Кыайыы үбүлүөйдээх сылларыгар

Улуу Кыайыы үбүлүөйдээх сылларыгар

Улуу Кыайыы үбүлүөйдээх сылларыгар

Улуу Кыайыы үбүлүөйдээх сылларыгар

Норуот хаhаайыстыбата сайдарын туhугар киллэрбит кылаатын элбэх почетнай грамоталар, дипломнар, улэ знактара, вымпеллар, чемпион ленталара, мэтээллэрэ, ВДНХ быыстапкатыгар араас сылларга кыттыыта туоhулууллар.

Д. Жондоров, хос сиэнэ, 3 кылаас, МОБУ «Саха гимназия»