Григорьева Екатерина Тимофеевна

Төрөөбүт сыла: 1907

Үлэлээбит сирэ: Сунтаар оройуонун “Сталин” колхуоһа, Тириэтэй Бордоҥ.

Хос эбээбит Григорьева Екатерина Тимофеевна колхуостары бөдөҥсүтүү иннинэ Тириэтэй Бордоҥҥо ыал буолан олорбута. И.В.Сталин аатынан колхуос чилиэнэ этэ. Хаста да оҕоломмутуттан биир кыыс, биир уол эрэ хаалбыттар.

Сэрии кэмигэр фермаҕа ыанньыксытынан үлэлээбитэ. Сэрии аас-туор ыарахан кэмин  дьахталлар бэйэлэрин санныларынан сүгэн, үлэлээн-хамсаан ааспыттара. Эр дьону солбуйан оттоон-мастаан түбүгүрэн тахсаллара. Хос эбээбитин сайын күн аайы 0,7 га сири охсор этэ диэн төрөппүт кыыһа сөҕөн ахтара. Кып-кыра ырыган дьахтарга ол үрдүк көрдөрүү этэ.

Сэрии кэмигэр тыылга күүстээх үлэтэ сыаналанан, “За доблестный труд в Великой Отечественной войне 1941-1945 гг.” диэн мэтээлинэн наҕараадаламмыта. Кэлин, 1976 сыллаахха, юбилейнай мэтээлинэн бэлиэтэммитэ.

Кыыһа, Макарова Евдокия Дмитриевна, кыыстаах уолу иитэн, хас да сиэн эбээтэ этэ. Уола, биһиги эһээбит Григорьев Прокопий Дмитриевич, түөрт оҕоломмута.

 

Автор: хос сиэнэ — Григорьева А. 8 кылаас