Григорьев Дмитрий Петрович 1894 с.т.

Үлэлээбит сирэ: Сунтаар оройуонун “Сталин” колхуоһа, Тириэтэй Бордоҥ.

Хос эһээбит Григорьев Дмитрий Петрович Сунтаар оройуонугар Тириэтэй Бордоҥҥо төрөөн-үөскээн олорбута, “Сталин” колхуоска үлэлээбитэ. Ыал улахан оҕото буолан, аҕата тайҕаҕа барбытын кэннэ ийэтигэр кыратыттан көмөлөһөн, балтын, бырааттарын көрсөн, ыал бас-көс киһитэ буола улааппыта. Бултаан-балыктаан дьонун аһатара. Улаатан баран колхуос булчута буолбута. Үксүн тыаҕа сылдьара, табалары көрөрө.

Сэрии саҕаланыыта Турукта суолун оҥорооһуҥҥа үлэлии барбыта. Ол суолунан сэриигэ айаннааччылар Сунтаартан сатыы барбыттара. Кэлэн баран колхуос араас үлэтигэр үлэлээбит, бултаан дьонун аһаппыт. “Аҕабыт бултуур буолан тыыннаах ордубуппут,” – диэн эһээбит ахтара үһү.

Сэрии кэмигэр кыайыы туһа диэн тыылга үлэтин сыаналаан, “За доблестный труд в Великой Отечественной войне 1941-1945 гг.” диэн мэтээлинэн наҕараадалаабыттара.

Григорьев Дмитрий Петрович 1964 сыллаахха олохтон туораабыта.

Автор: хос сиэнэ — Григорьева А., 8 кылаас