Говоров Иннокентий Иннокентьевич

Чурапчы көhүүтүн кыттыылааҕа, Россия тыатын хаhаайыстыбатын туйгуна, Мэнэ-Ханалас улууhун Бочуоттаах гражданина, «Аҕа дойду иннигэр үтүөлэрин иhин» II степеннээх уордьан мэтээлин кавалера үлэ, тыыл ветерана.

Мин хос эһээм, 1933 сыллаахха балаҕан ыйын 7 күнүгэр Чурапчы оройуонун Алаҕар нэhилиэгин Ворошилов аатынан колхоз сиригэр Дьоху диэн эбэ ар5аа баhыгар Варвара Александровна уонна Иннокентий Федорович Говоровтар диэн колхозтаах дьиэ кэргэнигэр иккис оҕонон күн сирин көрбүтэ

Сэрии сылларыгар, 9 саастааҕар, Чурапчы оройуонун көhөрүүтүгэр түбэhэн, Кэбээйи оройуонугар Кыыл Бастаах диэн сиргэ олорбуттар, сут, сэрии, кураан сылларыгар аччыктааhын, хоргутуу кыhалҕатын этинэн-хаанынан билбит. Хос эһээм 10 саастааҕар, аччыктыыр кыhалҕаттан, сайынын Кэбээйи кумаарын ортотунан, окко оҕус сиэтэн үлэтин саҕалаабыт.

Көhөрүүттэн төннөн кэлэн баран, Төҥүлү орто оскуолатын 1954 сыллаахха үөрэнэн бутэрбит. Ити сыл Советскай Армия5а ыҥырыллан үс сыл сулууспалаабыт.

1959 сыллаахха комсомол райкомун рекомендациятынан «Октябрь» колхоз правленията эһээбин Иркутскайдааҕы тыа хаhаайыстыбатын институтугар үөрэххэ ыыппыт.

1964 сыллаахха, Иркутскайдааҕы тыа хаhаайыстыбатын институтун бүтэрэн, инженер-механик идэтин ылан, дойдутугар Төҥүлүгэ «М.Горькай» колхозка главнай инженер-механигинэн үлэлии кэлбит.

1965 с «Октябрь» колхозка главнай инженеринэн, солбуйааччы бэрэссэдээтэлинэн ыыппыттар, онно барыта 9 сыл устата үлэлээбит.

1973 сыллаахха Майаҕа оройуоннааҕы «Сельхозтехникаҕа» бастаан управляющайы солбуйааччынан, кэлин управляющайынан анаан улэлэппиттэр.

1978 сыллаахха хос эһээбин  Мэҥэ-Хаҥалас оройуонун тыатын хаһаайыстыбатын управлениетын начальнигынан, райсовет исполкомун председателинан бастакы солбуйааччытынан анаабыттара. Бу үлэҕэ уонча сыл улэлээбит кэмигэр оройуон тыатын хаһаайыстыбатын сайдыытыгар үгүс өрүттээх үлэлэр ыытыллыбыттар.

Мин хос эһээм Иннокентий Иннокентьевич Говоров үлэлээбит сылларыгар 12 сыл устата райсовет депутатынан, 9 сыл райисполком чилиэнинэн, председатели бастакы солбуйааччынан үлэлээбит.

 

1949-59 сс. Комсомольскай тэрилтэ секретарынан үлэлээбитим.

1951-91 сс. Коммунистическай партия чилиэнинэн сылдьыбытым.

1978-88 сс. 10 сыл устата 4 төгүл партия чилиэнинэн сылдьыбытым.

Мэҥэ-Хаҥалас оройуонугар отуттан тахса сыл устата тыа хаһаайыстыбатын сайдыытыгар үлэлээбитин иһин.

1970 сыллаахха В.И.Ленин төрөөбүтэ 100 сааһын туоларыгар «Үлэҕэ килбиэнин иһин» медалынан;

1983 сыллаахха «Мэҥэ-Хаҥалас улууһун бочуотун кинигэтигэр» киллэриинэн

1984 сыллаахха «РСФСР тыатын хаһаайыстыбатын туйгуна» знагынан;

1985 сыллаахха «Ветеран труда» медалынан;

1996 сыллаахха «1941-45 сс. Аҕа дойду улуу сэриитин сылларыгар үлэҕэ килбиэнинэн иһин» медалынан;

1997 сыллаахха «СССР Маршала Жуков» юбилейнай медалынан наҕараадаламмытым.

1995 сыллаахха Мэҥэ-Хаҥалас улууһун «Бочуотунай гражданина» оҥорбуттара.

2011 сыллаахха «Аҕа дойду иннигэр үтүөлэрин иhин» II степеннээх уордьан мэтээлин кавалера буолбут

1959 сыллаахха хос эбээбинээн Тарабукина Тамара Егоровналыын ыал буолан 4 оҕо аҕата, 9 сиэн эһэтэ, элбэх хос сиэн эһээтэ буолар.

Оҕолоро бары үрдүк үөрэхтээх, үлэһит бэрдэ буолан билигин эбээ, эһээ буолан олороллор.

Автор: А.Саввина, 3 кылаас үөрэнээччитэ