Анна Егоровна Горохова (1914 г.р.)

 

«Махтанабыт! Сүгүрүйэбит! Киэн туттабыт!»

Үлэ тыыл ветерана,сэрии ветераанын огдообото  элбэх оҕо ийэтэ, эбээтэ, хос эбээбит

Анна Егоровна Горохова Уус Алдан Тэбиик нэһилиэгин Мадыгытыгар  20.14.1914 сыылаахха төрөөбутэ.Ийэтэ Готовцева Анастасия о5олонон баран эдьиийгэр Маайа5а күтүөтүгэр  Дьөгүөссэлээххэ хаалларбыт.  Хос эбээбит былыргы алпаабыкка 2 сыл уөрэммит, онно ситиһиилээх  үөрэнээччи аатын ылбыт. Онтон ииппит ийэтэ  өлөн кыра балтынаан Маайыһы, быраата Горохов Бүөтүкээһи, колхоз  ыанар сүөһүтүн- субан сүөһүлэрин , дьиэни көрөөр үөрэ5ин кыайан салгыы үөрэммэтэх . О5о сааһа кытаанах сылларга ааһан колхоз сүөһүтүн көрүүтүгэр, от хомуур улэтигэр эппиэттинэстээтик буспута- хаппыта. Дьэ ити курдук үлэлии сылдьан улаатан  1938 сылга  Горохов Гаврил Мироновичка  кэргэн тахсыбыта .  Бастакы оҕолоро   1939 сыл уол оҕо төрөөбүт . 1940 сылга депутат буолан , перепись суруйа хонугунан сырыттаҕына уола  ыалдьан өлбүтүн  суоҕуна көмөн кэбиспиттэр. Кэргэнэ Гаврил Миронович  1941 сылга күһүн тоҥоруу буолбутун кэннэ Ааллах Үүҥҥэ таһаҕас тиэйтэриитигэр барбыт.1942 сыл саас кэлбит уонна  сайын от ыйыгар сэриигэ барбыт.

1941 сыл сайын Анна Егоровна  24 ынахтаах Дьэлигэ баран ыанньыксыттаан онно баар отчуттары үрүҥ  аһынан аһыппыт.

Сэрии сылларыгар саас аайы сиэмэ ыһыыта, сайыныгар от ыарахан үлэтэ, күһүн сиэмэ быһыыта, ыраастааһына, муус -мас бэлэмнээһинэ, кыһын сүөһү көрүүтэ,от-мас тиэйиитэ кинитэ суох  буолбата.

1943 сылга күһүн Чинэкэҕэ муус балыгар тааска тахсыһа сылдьыбыт, сааһын күөл балыгар мунхалааһыҥҥа сылдьыһара.Оскуолаҕа  саһаан бэлэмнээһинэ, мас кэрдиитэ, суол солооһуна кини мүччүрүйбэт  дьарыктара этилэр.

Сэрии сут сылларыгар аһыыҥка түстэҕинэ  бааһынаны төгүрүччү  ханааба хаһаллара,тимир тиистээҕи  кытары түүннэри – күнүстэри  охсуһаллара.

Хос эбээбит  Анна Егоровна сэрии ыарахан сылларыгар сэриилиһэ сылдьар дьоҥҥо анаан түүннэри көмүлүөх  оһох иннигэр олорон ичигэс таҥас тигэн ыыталлара . 1944 сыл күһүнүгэр сиэмэ баайыытыгар 1000  тахса түүтэҕи  баайан чиэппэр чэйинэн бириэмийэлэммит. Дьэ ити курдук колхоз сылын ахсын ыарахан улэтэ эбиллэ-эбиллэ кини урдунэн эргийэн кэлэ турбута.

1945 сылга хос эһээбит Хабырыыс сэрииттэн  икки баттыктаах көнтөс атахтаах 1группа инбэлиит буолан кэлбитэ .Хос эбээбит эһээбитинээн иллээх-эйэлээх олохторо саҕалламмыта . Анна Егоровна пенсияҕа тахсыар  дылы колхозка үтүө суобастаахтык үлэлээбитэ. Хос эһээбит Гаврил Миронович сэрииттэн  кэлэн баран таах олорботох,колхуос  туох баар үлэтигэр хара өлүөр диэри үлэлээбит. Хос эһээбит улаханнык ыалдьан 1971 сыллаахха олохтон туораабыт. Хос эбээбит Анна Егоровна тоҕуста оҕоломмутуттан үс уол ,биир кыыс кыра саастарыгар ыалдьан өлбүттэр.Биэс кыыс хаалан эбээбит бэйэтэ оҕолорун атахтарыгар туруоран , үөрэхтээх үлэһит дьон ,ыал оҥортоон ,тапталлаах ,Ийэ,эбээ,хос эбээ аатын ылбыта.

Сэрии ыар сылларыгар үтүө суобастаахтык үлэлээбитин иһин Кыайы”40”,”50”,”55”,”60” сыллар юбилейнай мэтээллэринэн , “ За доблестный труд” , “Сталин”, “ Жуков” уонна 5 оҕолооҕун иһин « Ийэ»мэтээлинэн наҕараадаламмыта.

Хос эбээбит Анна Егоровна сымнаҕас, куруутун үөрэ-көтө сылдьар майгылаах .Ыраахтан-чугастан кэлбити куруутун итии-чэйинэн көрсөрө.Иистэҥнэн,асчыт бэрдэ этэ.Сүөһүтүн эспэккэ,оҕолоругар ,сиэннэригэр көмөлөһөөрү иитэрэ.

Хорсун-хоодуот быһыыгыт, килбиэннээх үлэҕит иһин эһиэхэ сүгүрүйэбит! Үрдүбүтүгэр эйэлээх халлаан баарыгар эһиэхэ махтанабыт! Кыайыыны уһансыбыттарга уруй-айхал буоллун!

Киэн тутта хаамыахпыт

Геройдуу быыьынан

Холобур оностон

Эйэни харыстаан

Оло5у уһатан

Дойдубут иннигэр

Айыахпыт тутуохпут,

Үйэттэн үйэҕэ махтана ахтыахпыт.

 

 

Автор: К.Копырина, 8 кылаас