Голикова Наталия Васильевна (1922-1997 гг.)

 

Хос эбээм Наталия Васильевна Голикова Таатта оройуонугар 2 Байаҕантай нэһилиэгэр 1922 с сэтинньи ый 1 кунугэр тɵрɵɵбүтэ.

Оҕо сааһа Уус – Тааттаҕа, Кырамдаҕа ааспыта. Ийэлэрэ Маайа Уус – Алдан Тандатыттан тɵрүттээх, аҕата Баһылай Голиков Уус – Тааттаттан. Бииргэ тɵрɵɵбүттэр тɵрдүɵлэр эбит: убайа Баһылай, быраата Борокуопай, балта Катя. Балтынаан чугастык билсэ, сибээстэрин быспакка олорбуттара.
Уус – Таатта 4 кылаастаах оскуолатын, В.И.Ленин аатынан Уолба оскуолатын 7 кылааһын 1938 – 39 сс, онтон 1939 – 40 сс Ытык – Күɵл 8 кылаастаах оскуолатын үɵрэнэн бутэрбит. 1940 – 41 сс оройуоннааҕы «Коммунист» хаһыакка машинистканан, олохтоох радиоҕа дикторынан, Райкомна кадр отделыгар техсекретарынан 1946 с диэри үлэлээбит. Сэрии кэмигэр Аҕа дойдуну кɵмүскүүр сэрии кирбиилэрин, дойдуга кыайыы иһин колхозтаахтар күргүɵмнээх улэлэрин, оройуон күннээҕи түбүктээх үлэтин, олоҕун тиһэн биэрбиттэрин  чуор – чиҥ куолаһынан диктор буолан, кэпсиир эбит.

Хос эһээм Дмитрий Дмитриевич Яковлев 1940 с Чурапчытааҕы педучилищены бүтэрэн, Уус – Майа Петропавловскай начальнай оскуолатыгар ананан үлэлээбит, нɵҥүɵ дьылыгар Күп начальнай оскуолатыгар сэбиэдиссэйинэн анаммыт. Аҕа дойдуну кɵмүскүүр сэриигэ 1942 с ыҥырыллан, химическэй чааска  Москва анныгар Ивановскай уобаласка, онтон салгыы Хотугу Кавказка 3 сыл 2 ый сулууспалаан, демобилизацияланан 1945 с дойдутугар кэлбитэ. Хос эбээбитин 1945 с Кыайыы үɵрүүлээх күннэрин саҕана таба кɵрбүт.

Хос эбээм Наталия Васильевна «В.И.Ленин тɵрɵɵбүтэ 100 сылынан»юбилейнай мэтээлинэн наҕараадаламмыта, «Материнская слава» знактаах, Үлэ, тыыл бэтэрээнэ.

 

Автор: А.Яковлев, ученик 8 класса.