Гоголев Иннокентий Степанович (1935-2024 гг.)

Мин Эьээм Гоголев Иннокентий Степанович Уус-Алдан оройуонун Найахы нэьилиэгэр «Кириэс» диэн сайылакка, ахсынньы 5 күнүгэр 1935 сыллаахха күн сирин көрбүтэ. Дьоно Ийэлээх Аҕата барыта 10 оҕону төрөппүттэриттэн 6 оҕо үс уол үс кыыс улааппыппыттар.

Эьээм А5ата Гоголев Степан Алексеевич Арбынтан төрүттээх эбит, Эьээм Ийэтэ Гоголева Прасковья Александровна Нам Көбөкүнүттэн. Уус Алдан Найахы сиригэр уотугар олох өрдөөҕүтэ олохсуйбуттар төрүттэрбит.

Эьээм А5ата үллэр үлэ үөһүгэр сылдьыбыта, олох эдэр сылдьан биригэрдьиирдээбит, онтон кадр бөҕергөтүү диэн Хоту 1940 сылаахха Эдьигээн оройуонугар үлэҕэ анаабыттар. Онно бастаан колхоз (правлениятын) бэрэссэдээтэлинэн улэлээн баран кэнники Лесхозка, РАЙПОҕа үлэлээбитэ.

1947 сылтан хара өлүөр диэри тутууга үлэлээбитэ (1967с. дылы). Онно тарбахха баттанар үлэһиттэр ахсааннарыгар сылдьыбыта, Саха АССР Верховнай Сэбиэтиттэн Улахан Грамоталаах эбит (60-нус сылларга ылбыта).

Эьээм Ийэтэ үксүн дьиэ хаһаайката буолан оҕолорун көрөн-истэн улаатыннарбыт үтүөлээх.

Онон 1940 сыллаахха Эдьигээн оройуонун «Куонара» нэһилиэгин дьоно буолан олорбуттар, 1944 сылга Эьээм бастакы кылааска үөрэнэ киирбит уонна Эдьигээн орто оскуолатын үһүс выпуск буолан 1956с. интернатка олорон бүтэрбит.

Оскуола кэнниттэн 1956 сыллаахха «Иркутский Горно-металлургический Институтка» эксээмэни Дьокуускайга туттарсан 1 курска киирбит. Онтон семейнай обстоятельствонан 1959 сыллахха бэс ыйыгар төннөн кэлбит.

1959 сылтан 1964 сылга дылы тутуу үлэһитэ буолбут.

1961-1962сс. Эдьигээн совхоз комсомолун секретара буола сылдьыбыт.

1964 сылга ЯГУга Технический Факультетка (строитель-инженер) үөрэнэ киирбит уонна 1969 сылтан Уус-Алдан «Коммунизм» колхозка тутуу маастарынан 2 сыл курдук үлэлээбит.

1971-1972сс. Бороҕонно «Коммунальнай» хаһаайыстыбаҕа прорабтаабыт. Бу сылларга дьиннээх олоххо киирсэн олорбут-үлэлээбит кэм эбит диэн саныыра Эьээм. Уус Алдан Курбуһа5ыттан төрүттээх, бэйэтин курдук тыа сириттэн Бороҕоҥҥо олохсуйа киирбит Аммосова Дарияны кытта керсен-билсэн, онтон ыал буолан бур бур буруо таһааран олохторун салҕаабыттар.

Туерт оҕолоохтор, уонтан лаппа тахса сиэннээхтэр, икки кыыс хос уонна биир хос уол сиэннэрдээхтэр. Орто Дойдуга кэлбит «иэспитин» толордубут-төлөөтүбүт диэн Эьээм олус уерэрэ.

1977 сыл Эьээм «Якуткоммунэнерго» диэн тэрилтэ5э 10 сыл 1977-1987 сылга дылы профсоюз комитетын салайааччытынан, маастарынан улэлээбит.

Онтон 1996 сылга диэри Уус-Алдан РАЙПОтугар улэлээбит. Бастаан тутуу маастарынан, онтон РАЙПО, СЕЛЬПО завхоһунан үтүө суобастаахтык улэлээн баран, сааһыран үлэттэн 61 сааьыгар тохтообут.

Аны Эьээм «хобби» туһунан аҕыннахпына, эдэр да сылдьан спортка улаханнык сыстыбатах. Оскуолаҕа үөрэнэ сылдьан 5-6 кылааска оҕолору кытта саахымат, биирдэ эмит дуобат оонньуур эбит интернатыгар. Эьээм үөрэнэрин саҕана араас куруһуок, спортивнай эрчиллии диэн өйдөбүл суоҕун да кэриэтэ эбит.

Онтон Бороҕоҥҥо киирэн баран бастаан ыраахтан дуобат, саахымат оонньуулларын көрөр эбим (чемпионаттары). Ол сылдьан биирдэ Мүрү орто 2-с нүөмэрдээх оскуолаҕа саахыматка Улуус чемпионатын ыыталларыгар көрө сылдьан 1989 сыл Эьээбин учугэй буочардаа5ынан секретардаппыттар, онтон ыла сыыйа-баайа саахыматчыттарга сыстан көмөлөһөр судьуйалаһар буолбут. Аҕыйах сылынан Эьээбэр судья «Республиканской категории» иҥэрбиттэрэ ити 1990 сылларга.

Кэлин сылларга Уус Алдан Мүрү орто 2-с нүөмэрдээх оскуолатын саахымат, дуобат оонньуутун таптааччылара, саастаахтара, учууталлара уонна техүлэһиттэрэ «Абылан» диэн түмсүүлэригэр кыттыһан, үксүн троеборьелаан (саахымат, дуобат уонна уксаан) бириэмэттэн бириэмэтигэр күнү-дьылы атаараллара. Атын коллективтары кытта күрэхтэһэн, дьону-сэргэни сэргэхситэн үөрэ-көтө кэлэрэ.

Эьээм Ситиһиилэрэ:
1989 сыл Первый разряд шахматиста
1989 сыл Награжден медалью «Ветеран труда»
1990 сыл Присвоен звание судьи Республиканской категории
2003 сыл Предъявлен настоящим удостоверением ветерана тыла,
Ветеран Великой Отечественной войны
2013 сыл Награжден нагрудным знаком «За вклад в социально- экономическое развитие Усть-Алданского улуса»
2015 сыл Награжден почетным знаком «Ветеран «Физической культуры и спорта»
2015 сыл Почетный гражданин МО «Мюрюнский наслег» Усть-Алданского района РС(Я)
2015 сыл Награжден юбилейным знаком в связи с 70-летием Победы в ВОВ
2015 сыл Награжден званием «Ветеран «ГУП ЖКХ РС(Я)»
2018 сыл Получил медаль почетного пионера
2018 сыл Награда от Государственного собрание Ил Түмэн РС(Я)
2018 сыл Награжден знаком «Почетный ветеран Республики Саха (Якутия) за большие заслуги в развитии ветеранского движения”

Автор Никифорова Сайнаара, ученица 3в класса МОБУ «СОШ№1» г. Якутска