Гаврильева Пелагея Николаевна (1928-2005 гг.)

 

Бырама эбэ хотун он буоруттан, киэн кырдалыттан силис анньынан тахсыбыт ыраах сирдэринэн улэлээбит, дьонно-сэргэ5э улэhит бэрдэ, утуотэ-мааныта дэппит, дойдуларын аатырдыбыт дьон угустэр. Олортон биирдэстэринэн, бициги эдьиийбитин Пелагея Николаевна Гаврильеваны ааттыа этибит.

Эдьиийбит Балыгыас 1928 сыллаахха сэтинньи ый 6 кунугэр II Наахара нэhилиэгэр «Алаас» колхозка элбэх о5олоох дьиэ кэргэннэ торообутэ. Кини о5о сааhа А5а дойду Улуу сэриитин сылларыгар ааспыт колуонэ5э киирсэр. Оччотооо5у ыар сылларга кыракый кыысчаан улахан дьону кытары тэннэ киппииччэ уктээhинигэр улэлэhэрэ, уот кураан дьыл унуолээн турар кэмигэр дьонун ацатаары бултаан-алтаан Улуу Кыайыыны эт хаанынан уцансыбыта. Сэрии кэнниттэн 1946 сыллаахха килбиэннээх улэтин иhин Сталин тоболоох мэтээлинэн на5араадаламмыта.

Биир да кылаас уорэ5э суох кыысчаан Хомустаахтаа5ы сэллик санаторийыгар, ол кэнниттэн Наахара балыацатыгар санитарканан улэ5э киирэр. Салгыы 1963 сыллаахха Уоhэ-Халыма оройуонугар улэлии барар. Зырянка5а тиийэн сэллик диспансерыгар 41 сыл устата утуо суобастаахтык улэлээн, элбэх дьон махталын ылыан ылар. Ханнык да ыарахан улэттэн толлон турбат, ыраас, чэбэр туттунуулаах улэhиттэрин балыаhатын коллектива урдуктук сыаналыыра.

Онтон биhиги сиэннэрэ, эдьиийбитин холку, сытыары сымна5ас киhи быhыытынан ойдуубут. Эр киhилии судургу майгылаах, ханнык ба5арар улэни кыайа-хото улэлиир, оруу ол-бу кыраны уhана-чочуйа сылдьара. О5олорго олус учугэй сыhаннаах этэ. Онноо5ор, буруйбутугар мо5оору туран кулэн кэбиhэн баран: «Чэ, баран кэмпиэттэ ылын»-диэн харчы биэрэн ма5аhыынна ыытара, мо5уллэн буттэхпит онон.

Эдьиийбит, оройуонугар, улэтигэр да ыытыллар уус-уран самодеятельность тэрээhиннэригэр, культурнай олоххо оруу хомуhун туппутунан кохтоохтук кыттара. Сцена бэтэрээнэ буоларын туоhулуур угус элбэх махтал суруктара, бириистэрэ кэпсииллэр.

Ыраах хоту да улууска олохсуйдар, эдьиийэ аах тыыннаахтарына оруу дойдутугар Бырама5а кэлэн сынньанан, ыалдьыттаан, дьонун-сэргэтин корсон уорэн-котон барара. Ол курдук, киhиэхэ торообут сирэ-уота кунду, сэниэтигэр сэниэ киллэрэр, кууhугэр куус эбэр дьикти сыдьаайыылаах.