Гаврильева Мария Николаевна (1929-2016 сс.)

Хос эбээм Гаврильева Мария Николаевна, 1929 сыллаахха от ыйын 1 күнүгэр Кукаакы нэһилиэгин Мохулутугар Жондорова Александра Гаврильевна, Никифоров Николай Гаврильевич дьиэ кэргэнигэр үһүс оҕоннон төрөөбутэ. Бииргэ төрөөбүт төрдүөлэр эбит, онтон кыра быраата оҕо сылдьан эмискэ ыалдьан өлбүт, убайа Баһылай сэрии саҕана эмиэ ыалдьан өлбүт. Убайа Ньукулай сэрииттэн бааһыран кэлэн 1976с өлбүт. Аҕата Николай Гаврильевич сэрии кэмигэр Булуҥ оройуонугар Күһүүргэ үлэ фронугар, таһаҕас таһыытыгар үлэлээбит. Ийэтинээн иккиэйэҕин хаалан хаалбыттар. Сэрии кэмигэр от оттоһон, бурдук быһан, сүөһү көрсөн улахан дьону кытта тэҥҥэ үлэлэспит. Чкалов колхозка үлэтинэн тыылга кыайыыны уһансыбыт. Сэрии кэмигэр сир оҥоруутугар оҕус сиэтээччинэн, бурдук ыһыытыгар, быһааһыныгар, от оттооһунугар улахан дьону кытта тэҥҥэ араас ыарахан үлэлэргэ үлэлээбит. 1952 с. тохсунньутугар Ефремов Елисей Васильевичтыын ыал буолбут. Таптал биһигэр бигэнэн 6 оҕо күн сирин көрбүт. 1964 с. диэри колхозка суоһу көрүүтүгэр үлэлээбит. Улэлии сылдьан ыалдьан улэттэн уурайбыт, дьиэтин, хаһаайыстыбатын көрөн олорбут. 1979 с. сааһынан пенсияҕа тахсыбыт. Хос эбэм Гаврильева Мария Николаевна тыыл, улэ бэтэрээнэ, I-II истиэпэннээх Ийэ мэтээлинэн, Улуу Кыайыы үбүлүөйдээх мэтээллэринэн, тыыл ветеранын нагрудной знагынан наҕараадаламмыт. Бу орто дойдуга ыал буолан, оҕо төрөтөн улаатыннартаан, ыал оҥортоон, сиэннэри, хос сиэннэри көрөн ытык иэспин толорон дьоллоох олоҕу олордум диир эбит. 2016 с. тохсунньу 30 күнүгэр күн сириттэн күрэммитэ. Улуу Кыайыы 75 сылын бэлиэтээри олорон, эйэлээх көҥүл олох иһин олохторун толук уурбут, Кыайыыны уһансыбыт, оҕо саастарын былдьаппыт төрүттэрбитигэр, аймахтарбытыгар, эһээлэрбитигэр, эбээлэрбитигэр муҥура суох махтанабыт! Кинилэр ааттарын үйэлэргэ сүрэхпитигэр илдьэ сылдьыахпыт!

 

Автор: Н. Алина, ученица 11 а класса