Гаврильева Мария Иннокентьевна 1927г.р.

Гаврильева Мария Иннокентьевна 1927 сыллаахха Бүлүү улууһугар 1 Күүлэт нэһилиэгэр  бааһынай дьиэ кэргэнигэр төрөөбүт. Икки саастааҕар ийэтэ ыалдьан өлбүт. Бииргэ төрөөбүттэр сэттиэлэр, онон бары тулаайах хаалбыттар.

Мария Иннокентьевна төрдүс кылааһы үчүгэйдик үөрэнэн бүтэрбит, бэһис кылааска үөрэнэ сырыттаҕына, 1941 сыллаахха сэрии буолбут. Сэрии буолбутун туһунан учууталлара Николай Афанасьевич оскуола оҕолорун иннигэр хараастан туран биллэрбит. Онно армияҕа барааччылар аттарын төннөрсүһэ Мария Иннокентьевнаны куоракка дьону кытта ыыппыттар. Тойон хонууга тиийэн аттарын кутуруктарыгар кыһыл өрбөҕү баайан бэлиэтээбиттэр.

Холкуостарыгар үлэлии сырыттахтарына, хааннах ис ыарыыта турбутугар кини эмиэ ыалдьыбыт. Уһун сааһы, сайыны быһа ыалдьан нэһиилэ үтүөрбүт. Онтон бурдук быһыытыгар үлэлээбиттэр.

Сут дьылга киһи бөҕө аччыктаан өлө тураллар эбит. Кыра сылдьан бииргэ оонньообут доҕоро олорор күөллэригэр, от күрүөтүгэр киирэн аччыктаан өлөн хаалбытын көрөн, саллыбытын туһунан кэпсиирэ.

Сэрии сылларыгар дьону кытта от үлэтигэр, бурдук ыһыытыгар үлэлээбит. Үлэлиир дьоҥҥо күҥҥэ биирдии курууска суорат биэрэллэрэ. Ким кыра ас дуомнааҕа эбинэрэ. Сэрии бүппүтүн кэннэ, икки убайа сэрииттэн тыыннаах эргиллэн кэлбиттэр.

Мэтээллэрэ:

  • Ветеран тыла;
  • Материнская слава II;
  • Материнская слава III;
  • 50 лет Победы в ВОВ;
  • 60 лет Великой Победы;
  • СССР Победа 1945-2005;
  • Слава 1945-2010;
  • 65 лет Великой Победы;
  • Победа в ВОВ 65 лет.

Автор Попов Мичил

ученик 3 «Б» класса МОБУ СОШ 6