Гаврильев Конон Николаевич

Гаврильев Конон Николаевич 

Гаврильев Конон Николаевич Хатас олохтооҕо, үлэ, тыыл бэтэрээнэ.

Кини бастакы кэргэниттэн 2 уоллаах эбит, Гаврильев Дмитрий уонна Гаврильев .. диэн. Онтон кэргэнэ барахсан өлбүт, огдообо хаалан баран Чурапчыга оттуу тахса сылдьан иккис кэргэннэнэн Евдокия Макаровалыын биир уопсай оҕоломмуттар — биһиги аҕабыт, эһээбит Гаврильев Николай Кононович диэн. Евдокия бэйэтэ биир кыыстаах эбит Александра Протодьяконова диэн (Чурапчы Бахсы) онтон ол кыыһы бэйэтин аатыгар көһөрөн Гаврильева буолар.

Аҕа дойду сэриитин сылларыгар сопхуоска таһаарылаахтык кыайыы туһугар үлэлээбит. Доруобуйатынан хааччахтаах буолан сэриигэ ылбатахтар. Ол хаалан Хатас колхуоһугар өр кэмҥэ араас үлэҕэ үлэлээбит. Ол саҕанааҕы сыллары кэпсиирин олох сөбүлээбэт этэ. Дьиҥнээхтии тоҥор-хатар, аччыктыыр диэн этинэн-хаанынан билбит киһи.

Килбиэннээх үлэтин иһин элбэх наҕараадалааҕа. Биирдэстэрэ мэдээл «За доблестный труд в Великой Отечественной Войны 1941-1945гг» туттарыллыбыта туоһу буолар. Сэрии кэмигэр Хатастааҕы Ленина аатынан колхозка сүөһү көрөөччүнэн үлэлээбит, хотон ис-тас өттүгэр барытыгар үлэлии сылдьан кэнники плотник буолар. Илиитигэр күүстээх,мындыр буолан туох баар алдьаммыты барытын саҥатыгар түһэрэргэ сылдьыбыт. Олус эйэҕэс, көнө майгылаах аһыныгас эбитэ үһү. Кырдьар сааһырыар диэри үлэ үгэнигэр сылдьыбыт. Олус үлэһит эбит, хойукка дылы үлэлээбит. Кырдьан баран кэргэнинээн Евдокиялыын Хатаска дьиэлэрин аттыгар баар маҕаһыыҥҥа кини остуораһынан, кэргэнэ скалаадка, муоста сууйааччынан үлэлээбиттэр. Ол да иһин маҕаһыыҥҥа саҥа кэлбит табаар, ас-үөл арааһа бастакынан кинилэргэ баар буолара эбит. Уопсай уолларын Николай оҕолорун Петяны, Любаны элбэхтэ минньигэс Тульскай бирээнньигинэн күндүлээн тураахтаабыт эбит Куонаан оҕонньор диэн сиэннэрэ ахта саныыллар.

Сиэннэрэ, хос сиэннэрэ эһээбитинэн киэн туттабыт.

Автор: Сиэнэ Леонтьева Л.Н., хос сиэнэ Турчина У.И.