Габышева Лидия Алексеевна 1933г.р.

Мин аҕам өттүнэн хос эбэм туһунан кэпсиэхпин баҕарабын. Лидия Алексеевна – тыыл, үлэ бэ- тэрээнэ, учууталлар учууталлара, методист-учуутал.

Хос эбэм 1933 сыллаахха муус устар 25 күнүгэр Өлүөхүмэ оройуонун Хоро нэһилиэгэр төрөөбүт. 1961 сыллаахха А.И. Герцен аатынан Ленинградскай педагогическай институту бүтэрбит. Идэтинэн география уонна биология учуутала. Педагогическай үлэтин Кэбээйи оройуонун Сангаар Орто оскуолатыгар саҕалаабыт. 1963-1996 сыллардаахха Хоро аҕыс кылаастаах оскуолатыгар учууталынан үлэлээбит.

Үөрэтэр предметин, уруок тиэмэтин хас биирдии үөрэнээччигэ сатабыллаахтык тириэрдии – бу учуутал ситиһиитэ буолар. Ол эрээри, саамай сүрүнэ, Лидия Алексеевна оҕолорго баҕа санаа- лаах олорорго, ханнык да ыарахаттартан дьулайбат буоларга үөрэтэр эбит. География, биология уруоктарыгар оҕолор айылҕа араас эгэлгэтин үөрэтэллэрэ. Хас да сыллар ааспыттарын иһин, Лидия Алексеевна үөрэнээччилэрэ айылҕаҕа харыстабыллаах сыһыаны, тапталы үөскэппит экскурсиялары, походтары, лабораторнай үлэлэри истиҥник саныыллар уонна ахталлар.

Лидия Алексеевна үөрэнээччилэрэ предметтэргэ куруук үрдүк ситиһиилэри көрдөрөллөрө, төрөөбүт кыраай флоратын уонна фаунатын бэркэ сэргээн үөрэтэн, пришкольнай учаастакка дьа- рыктанналлара, үүнээйилэри көрөллөрө. Биология кылааһа оскуолаҕа биир бастыҥ кабинетынан буолара – баай методическай уонна дидактическай литературалаах, техническэй өттүнэн эмиэ толору хааччыллыбыт.

Хос эбэм 1968 с үөрэх чааһыгар дириэктэри солбуйааччынан анаммыт. Бу дуоһунаска Лидия Алексеевна үтүө суобастаахтык 13 сыл үлэлээбит.

Уһулуччулаах учуутал, география учууталларын методическай холбоһугун салайааччытын быһыытынан эдэр учууталларга мэлдьи көмөлөһөр, биир идэлээхтэригэр бэйэтин баай педагоги- ческай уопутун үөрэ- көтө үллэстэр.

Лидия Алексеевна мэлдьи интеллигентнэй, үрдүк педагогическай культуралаах, эппиэтинэстээх үлэһит быһыытынан бил- лэр. Кини үтүө илиилэрин нөҥүө сүүһүнэн оҕо ааспыта. Хас да көлүөнэ үөрэнээччилэрэ тапталлаах учууталларыгар ылбыт би- лиилэрин иһин истиҥник махтаналлар. Лидия Алексеевна үтүө холобурун батыһан үгүс үөрэнээччилэрэ педагог идэтин ыланнар үлэлии-хамсыы сылдьаллар, үөрэммит оскуолаларыгар хаалан учууталлыыр оҕолор эмиэ бааллар. Тапталлаах учууталларын холобурунан оскуола үгүс выпускниктара педагог идэтин талбыттар, сорохторо төрөөбүт оскуолатыгар үлэлииллэр.

Хос эбэм өр сыллаах сыралаах үлэтэ ССРС уонна үөрэх үлэһит- тэрин профсоюзтарын министерствотын, СӨ норуоттарын үөрэ- ҕириитин министерствотын Бочуотунай грамоталарынан бэлиэ- тэммитэ.

Мин эбэм билигин 91 саастаах. Эбэбитин убаастыыбыт уонна күүскэ таптыыбыт.