Фёдорова Мария Никитична    11.02.1927 — 04.05.2011

Мария Никитична ийэлээх аҕата эрдэ өлөннөр төгүрүк тулаайах буолан, убайдарыгар иитиллибитэ. Олох эрэйин-кыһалҕатын санныгар сүгэн, этинэн-хаанынан билэн, үөрэнэр баҕаттан көстөөх сиргэ омоон суолунан таҥас суумкалаах, ынах этэрбэстээх, туос аччык оскуолаҕа сатыы сылдьан үөрэнэн, оҕо сааһын ыарахханык аһарбыта. 1941-1945 сс. уот сэрии, кураан буолан улахан дьону кытта бурдук үлэтигэр, үлэ кытаанаҕын улэлэһэн, эрэйи энэринэн тэлэн эдэр сааһын көрсүбүтэ. 1942 с. ииппит убайа Василий Никитич армияҕа ыҥырыллан барбыта уонна 1943 с. кыргыһыыга ылбыт бааһыттан госпитальга өлбүтэ. Кини көмүс уҥуоҕа Ленинград уобалаһын Боровичи куортатыгар көмүллэ сытар.

Үөрэххэ баҕата баһыйан төрөөбүт-үөскээбит Дүпсүнүттэн тэйэн Дьокуускай куоракка киирбитэ.

1945 с. 1418 күннээх түүн тохтоло суох салҕанан барбыт Аҕа дойдуну көмүскүүр Улуу сэрии бүппүтэ, Рейстаг үрдүгэр Кыайыы Знамята кытыаста кыыспыта.

Мария Дьокуускайдааҕы культпросвет оскуола библиотечнай салаатыгар үөрэнэ киирэр. Манна Нам уола Уус-Алдан кыыһын таба көрөр.

Афанасийдаах Мария олох, үөрэх үөрүүтүн үллэстэн, таптал сырдык иэйиитин бииргэ билэн, үөрэхтэрин бүтэрэллэригэр сүрэхтэрин холбоон, сүбэлэрин түмэн, аал уоту оттунан, бур-бур буруо таһаарынан алаһа дьиэни тэринэллэр. Афанасий кулууп үлэһитэ идэни ылан, Мария библиотекарь идэтин ылан, кыыс аналын быһыытынан, Намҥа кийиит буолан сүктэн кэлэр.

Наҕараадалара:

  • Мэтээл “За доблестный труд 1941-1945 г.г.”;
  • Нам улууһун бочуоттаах олохтооҕо;
  • Мэтээл «Ветеран библиотечного дела».

 

Автор: Макаров Р., 9 кылаас үөрэнээччитэ