Филиппова (Матвеева) Марина Елисеевна (1927 г.р.)

Мин эбээм Филиппова (Матвеева) Марина Елисеевна 1927 сыллаахха Оҥхой Аһыкайыгар элбэх оҕолоох ыалга алтыс оҕоннон төрөөбүтэ. Ол кэмнээҕи олох сиэринэн олох кыра сааһыттан үлэҕэ эриллэн улааппыт. Ҥ кылааһы үөрэнэн бүтэрбит, салгыы Далырга барыахтааҕын ийэтэ ыыппатах, эбээм ону санаатаҕына наһаа хомойоохтуур билииҥҥэ дылы. Эдэр, оҕо сааһыттан дайааркалаан, биир кун сынньаммакка «Маяк» доярка дэтэн чиэстэммитэ, хайҕаммыта хара баһаам, ол курдук сэрии кэмигэр туйгун үлэтин иһин “Сталин төбөлөөх” мэдээллээх, чымыдаан, суумка муҥунан грамота, благодарственнай сурук, хайҕала хара баһаам. Онтукатын барытын кичэйэн ууруна сылдьар. Эбээм этэр: “Улуус хаһыатыгар да хайҕанааччыбын, Тоһукаев Бүөтүр суруйбут “Коммунист салайар ферматыгар” диэн ааттаах ыстатыйата эрэ хаалбыт, атыттара уурбутум да сүппүттэр”, — диэхтиир.

Бастаан комсомол онтон коммунистка киирбит, депутат, нэһилиэк биирдэ улуус киэнэ буолуталаабыт. Тыа хаһаайыстыбатын улахан ыҥырыылаах мунньаҕар улуустан делегация састаабыгар киирэн Дьокуускайга баран сынньаммытын астына кэпсиир. Ол курдук депутат буолан улууска ыытыллар мунньахтарга, конференцияларга баран кыттан кэлэр эбит. «Мояк» дояр буолан Москваҕа баран кэлбэтэҕиттэн хомойор, тойоттор кэлэн хайҕаан, хайҕаан баран атын киһини ыытааччылар диэн хомойор.

Фермаҕа эдэр ыччаттар, кыргыттар үлэлии кэллэхтэринэ эбээбин наставник гынан аныыллар эбит. Үүттээх бастыҥ ынахтарын оҕолорго биэрэн баран эккирии сылдьар туҥуйдары туттаран эрэйдииллэр эбит. Уопсайа Оҥхойунан, Хороннон дояркалаан 30 сыл үлэлээтим диир. 1969 сыллаахха Хороҕо күн соҕотох оҕотун тутан Филиппов Петр Константинович диэн Хоро леснигар кэргэн тахсан кэлбит. Кэлээт да ”ҮөҺээ Бүлүү” совхозка 4 сыл фермаҕа дояркалаан, онтон оскуола интернатыгар повардаан 1979 cыллааха бочуоттаах сынньалаҥҥа тахсыбыта, ол да сиэн уолчаанын көрсөөрү. Билигин 1 оҕолоох, 3 сиэннэрдээх, 12 хос сиэннэрдээх буолан олорор. Мин сайын аайы Хорого сайылыыбын, хос эбээбэр, эбээбэр, эһээбэр көмө буолабын, оттоһобун, оҕуруокка уу кутабын, дьиэ хотон улэтигэр көмө буолабын.

Хос эбээбинэн киэн туттабын, кини Оҥхой, Хоро бочуоттаах олохтооҕо, үлэ, тыыл ветерана, сэрии ветеранын огдообото, биһитини элбэххэ үөрэтэр, минньигэс күөрчэхтээх.

 

 

Автор: С.Тимофеева 4 б, Э.Осипов 10 б