Федорова Варвара Петровна (1928-2004 гг.)

Хос эбээбит Федорова Варвара Петровна Ньурба улууһун Хаҥалаһыгар 1928 с төрөөбүтэ. Сэриигэ икки таайдара барбыттарыттан, улахан таайа Ньукулай 1943с сэрии толоонугар сырдык тыына быстыбыта. Кыра таайа Баһылай кыайыы көтөллөөх дойдутугар кэлбитэ уонна холхуоска тракториһынан үлэлээбитэ. Варвара Петровна ийэтинээн сэрии сылларыгар холхуоска сүөһү көрүүтүгэр үлэлээбиттэрэ. Кэлин ол үлэтинэн Сталин мэтээлин биэрбиттэр. Эбээбит нэһилиэгэр бастакы дьахтар тракторист уонна энергетик (уот биэрэр локомобильга, дизельнай станцияҕа үлэлээбит). Эһээбитинээн аҕыс оҕону төрөтөн, холхуос, сопхуос үлэтигэр үтүө суобастаахтык үлэлээбиттэрэ. Кыайыыны уһансыбыт дьоммутунан киэн туттабыт.

 

Хос сиэннэрэ Ю.О.Николаева 6 а, Н.О.Николаев 1 б кылаас