Федорова Степанида Никтична кэргэнинээн Яковлев Гаврил Николаевичтыын

 

Федорова Степанида Никитична Сэгэбигэ (Бүлүү улууһа) дьиҥэр 1922 с. төрөөбүт, миэтэрэкэ быһыытынан сурукка 1924 сылынан киирбит. Ийэтэ Уоттуттан төрүттээх Протопопова Мария Иннокентьевна (Төкүнүк кыыһа), аҕата Федоров Никита Федорович (Сүөдэркэ уола). Кыракый кыысчаан дьонугар илии-атах, көмө киһитэ буолан, үлэҕэ эриллэн улааппыт. Ол курдук оскуоланы ситиһиилээхтик бүтэрэн Бүлүү педучилищетыгар үөрэнэ киирэр.

Сайынын дойдутугар тахсан сир солооһунугар, оттооһуҥҥа күүһүн харыстаабакка үлэлиир. Кыһын эмиэ үөрэнэн баран, сайынын атыыhыттаабыт. Сэрии сылларыгар араас общественнай үлэлэри толороро, агитатордыыра, быыбарга сэкирэтээр буолара, военруктуура. 1943 с. Хаҕыҥҥа, Халбаакыга учууталлата ыыппыттар. Сэрии бүппүтүн кэннэ Бөтүҥҥэ кэлэн учууталлаабыт.

Элбэх оҕолонон үөрэҕин ситэ бүтэрбэтэх. 1960 с. Бөтүҥ ясли-садыгар араас үлэлэргэ, үксүн повардаан хайҕалга сылдьыбыт, биэнсийэҕэ тахсыбыт.

Степанида Никитична сэмэй майгылаах, аа-дьуо сылдьан үлэ бөҕөнү үмүрүтэ сылдьар идэлээҕэ. Бөтүҥҥэ оҕуруот аһын аан маҥнай кини олорпута. Гаврил Николаевич, Степанида Никитична сэттэ оҕону төрөтөн, улаатыннаран, дьоһун дьон оҥортообуттара. Ыал ийэтэ I, II истиэпэннээх Ийэ буолуу мэтээллэринэн, III истиэпэннээх «Ийэҕэ Албан аат» уордьанынан бэлиэтэммитэ.

 

 

Автор: В.Иванов Вадим, ученик 5 класса.