Федорова Полина Никитична (1943 г.р.)

Федорова Полина Никитична 1943 сыллаахха төрөөбүтэ. Идэтинэн үрдүк үөрэхтээх ветеринарнай бырааһынан42 сыл үлэлээбитэ.Ол иһигэр Өлүөхүмэтээҕи ветеринарнай испытательнай лаборатория дириэктэринэн18 сыл үлэлээн баран бочуоттаах сынньалаҥҥа тахсыбыта. Билигин Москуба куоракка олорор.

«Сэрии сылларыгар ийэм Александра Романовна Николаева учууталлыыр этэ. Оччолорго хамнастарын сороҕун бородууктаннан биэрэллэр эбит. Ону ылар күнүгэр биһиэхэ эрдэттэнчугас ыалларбыт, эмиэ ийэм курдук үксүлэрэ сэрии огдооболоро, кыра миискэлээх, саҥата иҥэтэ суох, биһиэхэ кэлэн кэтэһэллэрэ. Ийэм, дьэ оччоҕо, улахана суох мөһөөччүктээх бурдугу, саахары аҕалан остуолга уурталыыра. Ону эбэм Мотрена  Гаврильевна кыра миискэтин ылан барыларыгар  тэҥҥэ бурдугу, саахары түҥэтэлиирэ.

Дьэ ол кэннитэн, соторунан аһылыкпыт бүтэн буолуо, эбэбинээн ол-бу оту, от салаатын хомуйа ходуһаҕа барарбыт. Онтон эбэм киэһилэттэнолус минньигэс хааһы курдук буһарарын өйдүүбүн.

Ол эбээм оту хомуйаргэ уөрэппитин бэрткэ сөбүлээн, өйдөөн, үлэлиир кэммэр Сахабыт сирин хас да районнарыгар сылдьан, биир идэлээхтэрбин  эмтээх от хомуйарга үөрэтэр буолбутум.»

Федорова П.Н. үлэ бэтэрээнэ, ЯАССР, СӨ Тыа хаһаайыстыбатын Министиэристибэтиттэн, СӨ Бырабыыталыстыбатын бэрэссэдээтэлиттэн, СӨ Президеныттан, СӨ Ил Дарханыттанхайҕал суруктарынан, бочуоттаах грамоталарынан, Саха Өрөспүүбүлүкэтин 100 сылыгар аналлаах знагынан наҕараадаламмыта.

 

 

Ахтыыны хомуйан оҥордо Дьокуускай куораттааҕы национальнай гимназия 2 «б» кылааһын үөрэнээччитэ Д.Константинов.