Федорова Мария Михайловна

Бастакылар кэккэлэригэр оройуоҥҥа 3 тыһыынчалаах кирбиини биһиги сыллата ахсын аһара түһэрбит. «Үрүҥ Илгэ» чороонуна бириэмийэ ыларбыт. 1970с. наставник быҺыытынан НХБСБ быыстапканы баран көрбүтүм. 1973с. туристическай путевканан Прибалтика республикаларынан күүлэйдээн кэлбитим. Ленинскэй үбүлүөйүнэй, «Ветеран» мэтээллэринэн, Республика Верховнай Советын Президиумун Грамотатынан, ону таһынан совхоз, оройуон, тыа хаһаайыстыбатын министрын хайҕаллара. .Сыралаах үлэтэ сыаналанан Махтал суруктарынан,грамоталарынан,Москва,Прибалтика куораттарынан, ВДНХ –ҕа күүлэйдээн кэлэр путевкаларынан наҕараадаламмыта.

Тыыл үлэ ветерана ,»Үлэҕэ килбиэнин иһин» мэтээл кавалера, »Гражданскай килбиэн» бэлиэ хаһаайката,Ороссолуода нэһилиэгин Бочуоттаах олохтооҕо Мария Михайловна Федорова 1931 с.сэтинньи 22 күнүгэр Хаатылыма Хахатыгар төрөөбүтэ.Хаатылыма оскуолатын 4 кылааһын бүтэрбитэ.16 сааһыттан колхозка бороон көрүүтүгэр үлэҕэ киирбитэ.18 сааһыгар Улуу Тоҕой сириттэн төрүттээх Федоров Иван Петрович диэн уолга кэргэн тахсан 25 сыл дьоллоохтук олорон,9 оҕону төрөтөн Күн сирин көрдөрбүттэрэ.

Уус Уйбаан диэн мээнээҕэ ааттаабатахтар. Ол курдук дьиҥнээх тимир ууһа уонна хомоҕой тыллаах, кэрэ куоластаах оһуохайдьыт, тойуксут этэ. Ийэбит эдэр сааһыгар огдообо хаалан оҕолорун соҕотоҕун иитэр кыһалҕатыгар түспүтэ.Кини сытыары сымнаас майгыта,олоххо дьулуура,кыайыгаһа-хотугаһа,уньуктаах уһун үлэттэн сылайбакка итиччэ өр хара көлөһүнүн тоҕон биһиги киһи-хара оҥорбута,үөрэттэрбитэ.Сэрии ыарахан сылларын кэнниттэн илиитин араарбакка ыанньыксыт ыарахан,сыралаах үлэтигэр 40 сыл үлэлээбитэ.

Автор: Н.И.Колосова.