Федорова Марфа Васильевна (1926 г.р.)

 

Марфа Васильевна Федорова Мэҥэ Хаҥалас оройуонугар I Холгума нэһилиэгэр 1926 с. кулун тутар 18 күнүгэр төрөөбүтэ. 1941 с. сэттэ кылааһы бүтэрбит сылыгар сэрии буолар. Онон 15 саастаах кыыс салгыы үөрэммэккэ колхуоска улахан дьону кытта тэҥҥэ үлэлиир. Күнү быһа аччык сылдьара үһү. Колхуоска икки сыл үлэлээбитин кэннэ аҕата оройуон киинигэр кииллэрэн биэрбит. Хата манна үлэ көстөн Райуполминзачка учуотчугунан үлэлээбит. Оччотооҕута эдэр кыргыттары барыларын байыаннай үөрэххэ сылга биирдии ыйга куурустарга үөрэтэллэр эбит. Хата 1945 с. уһун күүтүүлээх кыайыы күнэ кэлбит.

1946–1949 сс. Дьокуускайга киирэн тыа хаһаайыстыбатын техникумар зоотехник идэтигэр киирэн үөрэнэн ситиһиилээхтик бүтэрэн биһиги аҕабытыгар кэргэн тахсыбыт. 1949–1953 сс. Мэҥэ-Хаҥалас оройуонугар “Социализм суола” колхуос племенной ферматыгар зоотехнигынан ананан үлэтин саҕалаабыт. Онтон 1953–1960 сс. Төҥүлүтээҕи госплемрассадникка инспектор-зоотехнигынан, 1960–1972 сс. Госплемстанцияҕа племенной сүөһү учуотугар старшай зоотехнигынан, 1972–1981 сс. Республиканскай госплемобъединениеҕа пенсияҕа тахсыар диэри үлэлээбитэ. Зоотехник идэтинэн барыта 32 сыл үлэлээн племенной үлэ ветерана буолбута.

“Аҕа дойдуну көмүскүүр Улуу сэрии 1941–1945 сс. Килбиэннээх үлэтин иһин” мэтээлинэн уонна хас да юбилейнай мэтээллэринэн, өр сыллаах үлэтин үрдүктүк сыаналаан Саха АССР Верховнай Советын президиумун почетнай грамотатынан наҕараадаламмыта.

1969 с. республика үтүөлээх зоотехнигын аата иҥэриллибитэ. 1974 с. Тыа хаһаайыстыбатын министерствотын уонна 1975 с.  Госплемобъединение почетнай кинигэлэригэр кииллэриллибитэ. 1976 с. РСФСР Тыатын хаһаайыстыбатын министерствотын (Росплемобъединение) почетнай грамотатынан наҕараадаламмыта, элбэх юбилейнай мэтээллэрдээх.

 

 

Автор: МОБУ «Саха Гимназия».