Эверстова (Неустроева) Варвара Егоровна (1930-1974 гг.)

Мин хос эбэм Эверстова (Неустроева) Варвара Егоровна Мэҥэ Хаҥалас 1- Баатара нэһилиэгин  Бэдьимэтигэр 1930 сыллаахха бэс ыйын 3 күнүгэр төрөөбүт.

Биэс кылаас үөрэхтээх.

Сэрии саҕаланан бары үлэҕэ тураллар. Хам аччык сылдьан түүннэри-күннэри улахан дьону кытта тэҥҥэ сылдьан ханна ыыталларынан үлэлииллэрэ. Хос эбэм сэрии кэмигэр тракториһынан улэлээбит.  Кини бастакы тракторист дьахталларга сменщигынан үлэлээбитэ.

1953 сыл Эверстов Иван Петровичка, бэйэтиттэн 20 сыл аҕа, сэрииттэн тыыннаах эргиллэн кэлбит киһиэхэ, дуруусканан кэргэн тахсан, Доллу нэһилиэгэр Тумулга көһөн кэлбитэ. Бастакы оҕото оскуолаҕа барарыгар Төҥүлүгэ көһөн тахсыбыттар. Онно хос эбэм үс сыл киэһээҥҥи оскуолаҕа үөрэнэн 8 кылааһы бүтэрбит. Оҕо сааска ыарахан олох дьайыытыттан ылбыт ыарыыта көбөн өр сылларга балыыһаҕа сытан эмтэнэрэ.

Уопсайа 7 оҕоҕо күн сирин көрдөрбүтэ. Онтон үһүс уол оҕо 9 ыйыгар улаханнык ыалдьан төннүбүт.

Онон 5 кыыһы уонна  биир саамай кэнники төрөппүт 1 уол оҕолору бу орто дойдуга хааллара барбыта.

Кини үөрэҕи өрө тутара. Үөрэхтээх дьон буолун диэн наар өйдөтө, такайа сылдьара. Наһаа ааҕарын сөбүлүүрэ. Саха суруйааччыларын улахан айымньыларын барытын аахпыт киһи буолар. Сылайдаҕына мин эбэбинэн Мохначевская (Эверстова) Антонина Ивановнанан аахтарар этэ. Ол аахтарбыта эбэбэр алыптаах кинигэни ааҕарга умсугутан, төһүү күүс буолбут.

Хос эбэм  барахсан наһаа амарах санаалаах, минньигэс астаах үтүө киһи этэ. 1974 сылга алтынньы ый бу орто дойдуттан күрэммитэ.

Хос сиэнэ – Мохначевский Дамир, 6 класс уеренээччитэ, Техническэй лицэй Н.А. Алексеева

Кэргэнин кытары Эверстов Иван Петровичтын