Эверстова Марина Тимофеевна (14.06.1905 – 15.04.1994 гг.)

 

Хос эбэм Эверстова Марина Тимофеевна 1905 сыллаахха Кэбээйи улууһугар Тыайа бөһүөлэгэр төрөөбүтэ. Ньидьили нэһилиэгин Чагда бөһүөлэгин олохтооҕор Эверстов Степан Григорьевичка  кэргэн тахсан Чагдаҕа олохсуйар. Кэргэнэ Степан Григорьевич колхоз председателинэн үлэлээбитэ. 9 оҕоломмуттарыттан 3 эрэ оҕо тыыннаах хаалан киһи буолбуттара. Сэрии саҕана бөһүөлэккэ оҕо – дьахтар уонна кырдьаҕастар хаалан колхоз үлэтигэр кыһыннары – сайыннары үлэлээбиттэр: бурдук ыһан, от оттоон, мас мастаан, сүөһү көрөн.

Сайынын илиминэн, туунан балыктаан, куска тиргэлээн, кыһынын кырдьаҕас Сааба оҕонньор салалтатынан ойбонтон куйуурунан балыктаан, куобахха туһахтаан сэрии ыар сылларын син туораабыттар. “Сааба оҕонньор баар буолан тыыннаах хаалбыппыт” — диэн кэпсиирэ хос хос эбэм. Куобах тириититтэн кыһыҥҥы таҥас тиктэн таҥналлара.

Төһө да кырыымчыктык олордоллор колхоз былаанын толорон, бурдук, от туттаран, колхоз сүөһүтүн көрөн, тыыл үлэтин үлэлээн сэрии ыар сылларын аһарбыттар.

Наҕараадалара – “За доблестный труд в ВОВ 1941-1945 г.г.”

 

 

Автор: М.Д.Максимова