Эверстова Дария Афанасьевна (1930 г.р.)

Ньидьили нэһилиэгэр Балаҕаччы учаастагар 1930 с, 6 оҕонон төрөөбутэ. Аҕата Эверстов Афанасий Иванович, ийэтэЭверстова Христина Прокопьевна диэн этилэр. Чагдаҕа 4 кылааһы бутэрэн салгыы үөрэммэтэҕэ. Холкуоска 10 сааһыттан булуук атын сиэтээччиннэн сылдьыбыта. Оччолорго сир итиэриини атынан үлэлиирэ. Ийэтэ субай сүөһугэ үлэлиир буолан кыра эрдэҕиттэн сүөһүнү көрөн, бүөбэйдэһэн улааппыта. 1950 сыллаахха Винокуров Ефим Ефимовичтыын холбоспуттара, 9 оҕо күн-күбэй ийэтэ буолбута. Элбэх оҕо ийэтин аатын ылан 1-кы степеннээх уордьанынан үс төгул наҕараадаламмыта. Оҕолрорун сүһүөхтэригэр туруорар туһуттан 1968 сыллаахтан Арыктаах оҕону иитэр уһуйааныгар поварынан, онтон уһун сыл устата оскуолаҕа технигинэн уһун сылларга үтүө суобастаахтык үлэлээбитэ. Биэнсийэҕэ тахсан баран үлэлээбэтэҕэ.

Дария Афанасьевна кэрэни кэрэхсиир ,олус сэргэх, саха дьахтарыгар үтүө-мааны дьүһүннээх, ыас хара өҥнөөх хойуу уһун суһуохтаах, мааны таҥастаах-саптаах үтүө-мааны ийэлэртэн биирдэстэрэ буолара. Кини онно ситиһэр диэбит курдук, дьириһиттэҕэс куоластаах ырыаһыт талааннаах эбит. Ырыаҕа ылланар, хоһооҥҥо хоһуйуллар үүнээйи арааһын, сибэккини үүннэрэрэ. Оскуолаҕа өр сыл үлэлиирин тухары олус ыарахаттары көрсүбүт. Маһынан оттуллар тоҕус оһоҕу бэйэтэ отторо, кылаастары бэйэтэ сууйара, кырааскалыыра. Оскуола иһэ-таһа мэлдьи ыраас буолара, учууталлар да, төрөппүттэр да билиҥҥэ диэри махтана саныыллар. Кини үлэ тыыл бэтэрээнэ.

 

 

 

Автор: Д.Алексеева, ученица 3 класса.