Евдокимова Елена Федоровна (1918 г.р.)

 

Мин хос эбэм – тыыл бэтэрээнэ.

Мин хос эбэм Елена Федоровна Евдокимова 1918 сыллаахха Үөһээ-Бүлүү улууһун Дүллүкү нэһилиэгэр төрөөбүтэ. Сэрии сылыгар эбэм ыарахан улэҕэ тыылга үлэлээбит: кыһынны өттүгэр бурдук сынньыытыгар, көтүтүүтүгэр сменанан түүннэри – күнүстэри, сайын 2-3 атынан солбуһуннара от оҕустаран, бэйэтин харыстаммакка үлэлээн, 1947 сыллаахха бастакынан Сталин медалынан наҕараадаламмыт.

Хос эһэм Борисов Захар Борисович 1919 сыллаахха төрүөх Сургуулук нэһилиэгэр 1936 сыллаахха бастакынан ааҕар балаҕан арыйан, кыра нэһилиэктэн 10-тан тахса учуонай үүнэн тахсарыгар сүдү кылаатын киллэрсибит. “Ликвидация безграмотности” үлэлээн улахан дьону ааҕарга, суруйарга үөрэппит. Сэриигэ ыҥырыллан баран иһэн, ыалдьан төннүбүт. Сэрии кэмигэр нэһилиэгэр сэбиэттээн сылдьыбыт. 1949 сыллаахха ыалдьан олохтон туораабыт.  Хос эбэбит аҥаардас хаалан 5 оҕону соҕотоҕун атахтарыгар туруортаабыт: 3 кыыс учуутал, 2 уол зоотехник, бухгалтер идэлэрин баһылаабыттар. Биһиги хос эбэбит 103 сааhыгар диэри чөл олоҕу тутуһан олорбута, сытыары сымнаҕас майгылаах этэ. Үөһээ-Бүлүү Дүллуку нэһилиэгин бочуоттаах олохтооҕо этэ. Эбэбитинэн олус диэн киэҥ туттабыт, кини өрүү биһиэхэ холобур буолара саарбаҕа суох.

 

 

 

Автор: С.Шеломова, Саха гимназия 3 «в» кылааhын үөрэнээччитэ.