Ермолаева Елизавета Михайловна

1933-2010 сс.

Биһиги эһээбит Ермолаев Емельян Семенович уонна эбээбит тыыл уонна үлэ ветерана Апросимова Елизавета Михайловна кыра эрдэхтэриттэн тулаайах хаалан, ким чээн диэбитинэн аймахтарын эҥэрдэһэн, колхоз үлэтигэр кыра эрдэхтэриттэн үлэлээн киһи хара буолан олохторун холбоон ыал буолбуттара.

Бииргэ олорон 7 кыыс уонна 3 уол оҕону төрөтөн кыра хамнас дуомугар ас-таҥас тиийбэт суох диэбэккэ улаатыннарбыттара.

Эһээбит колхоз, совхоз үлэтигэр эмиэ кыаҕа тиийэринэн үлэлэспитэ. Суола тутууларыгар кыра да буоллар кылаата баар. Эһээлээх эбээм хаһан да бэйэлэрин оннук үлэлиибит, маннык үлэлиибит диэн кэпсэммэт этилэр. Эбээбит колхозка, совхозка сүөһү көрүүтүгэр кэлин икки сайылыгынан көһүүгэ сайынын Сосин Илья Гаврильевич үөрэтиитинэн Улахан-Сайылык ферматыгар пенсияҕа тахсыар диэри осеменаторынан үлэлээбитэ. Оччолорго ириэнэх сиэмэни Төҥүлүттэн графигынан таһаллара. Сиэмэни сөптөөх температураҕа тутан, үөрэҕэ суох киһи технологиятын тутуһан үлэлииригэр син ыарахан буолуо. Ону ол диэбэккэ сайыҥҥы кэмҥэ ынах ууланарын ситиһэрэ.

Биһиги эһээлээх эбээбит куруук ыалдьытымсах, сэмэй майгылаах, үлэни таптыырга, чиэһинэй буоларга, кырдьаҕаһы ытыктыырга, куруук кэрэҕэ тардыһарга үөрэтэллэрэ.

Билигин оҕолоро бары бэйэлэрэ ыал, үлэһит, саастаах дьоннор. Сиэннэр, хос сиэннэр эһээбитин уонна эбээбитин ааттата туруохпут. Биhиги сүрэхпитигэр өрүү тыыннаахтар.

Автор: Д. Бурцева.